جدہ۔ 13 اگست (اے پی پی) اسلامی کمکار تنظیم (اوآئی سی) غزہ ٹی اسرائیلی جلہو آتیٹی صحافی تا خون نا مذمت ءِ کرسا جہانی جاست وپاست نا خواست کرینے۔ اردونیوز نا رداٹ اوآئی سی تدوک آ دے جاری بیان اٹی غزہ ٹی اسرائیل نا کنڈآن صحافی تا تمبوتے شست کننگ اٹی صحافی تا خون نا مذمت ءِ کرینے، و داجلہو ءِ جہانی کانود و آجوئی صحافت نا خلاف ورزی …
اسلامی کمکار تنظیم نا غزہ ٹی اسرائیلی جلہو آتیٹی صحافی تا خون نا مذمت، جہانی جاست وپاست نا خواست
گیشتریں ھال
جدہ۔ 13 اگست (اے پی پی) اسلامی کمکار تنظیم (اوآئی سی) غزہ ٹی اسرائیلی جلہو آتیٹی صحافی تا خون نا مذمت ءِ کرسا جہانی جاست وپاست نا خواست کرینے۔ اردونیوز نا رداٹ اوآئی سی تدوک آ دے جاری بیان اٹی غزہ ٹی اسرائیل نا کنڈآن صحافی تا تمبوتے شست کننگ اٹی صحافی تا خون نا مذمت ءِ کرینے، و داجلہو ءِ جہانی کانود و آجوئی صحافت نا خلاف ورزی گوندا۔ بیان اٹی پاننگاکہ 7 اکتوبر 2023آن برجااسرائیلی جلہو آتیٹی داتم اسکان مقبوضہ فلسطین اٹی 242 صحافی خلنگانو ۔ اوآئی سی پارے کہ اسرائیلی کارروائی میڈیا نا برخلاف منظم خلاف ورزی تا بشخ ءِ ہرافتا مسخت جہانی برادری ءِ معلومداری نا فراوانی نا تننگ اٹ اڑاند شاغنگ ءِ۔ اوآئی سی داواقعہ نا زموار اسرائیل ءِ گوندا و اونا زموار آتا احتساب کن جہانی جاست وپاست نا خواست کرے۔ بیان اٹی زورشاغنگاکہ تعلقدار جہانی ادارہ صحافی تے شست کننگ آن توننگ کن دمدستی گام گیج کے، جہانی انسانی کانود و کنونشنزنا رداٹ اوفتا رکھ ءِ پک کے۔
