بنجائی وزیر ڈٹ بندی احسن اقبال تون اے جے کے کانود ساز اسمبلی نا اسپیکر نا کماشی ٹی ڈل انا اوڑدہی

اسلام آباد۔ 13 اگست (اے پی پی) بنجائی وزیر ڈٹ بندی، شونداری، اصلاحات و خصوصی گام گیج پروفیسر احسن اقبال تون آزاد جموں و کشمیر کانود ساز اسمبلی نا ڈل اوڑدہی کرے ہرانا کماشی ءِ اسپیکر چوہدری لطیف اکبرکرے، اے جے کے نا مسکوہی وزیراعظم راجہ فاروق حیدر، وزیر مواصلات و ایلو بڑزکو کمامدارآک ہم اوڑدہی ٹی ساڑی ئسر۔ پلاننگ کمیشن نا رداٹ اوڑدہی ٹی آزاد جموں وکشمیر اٹی برجا شونداری ڈٹ، بنداوی پنجر نا تفنگ و سیل و سوات نا مون آ دننگ نا بابت امور آ سرجمی اٹ گپ وتران کننگا۔ وزیر ڈٹ بندی پروفیسر احسن اقبال داوخت آپارے کہ کشمیر اٹی شونداری ڈٹ آتا زوت پوروی کن فنڈ جاری کننگک۔ اوپارے کہ آزاد کشمیر نا سیل و سواتی ہند آک پاکستان نا زرگزران نا شونداری ٹی نمان کڑد ادا کننگ ءُ، اے جے کے کانود ساز اسمبلی کمپلیکس نا تفنگ کن وزارت ڈٹ بندی پورو کمکاری برجاسلک۔ پروفیسر احسن اقبال پارے کہ راتو ہاہریام پول انا تفنگ ترندی اٹ برجاءِ ہرا زوت پورو کننگک، پوسکن آاین ایف سی ایوارڈ اٹی کشمیر، گلگت بلتستان و مسکوہی فاٹا کن بشخ تخنگک۔ اوپارے کہ پاکستان ءِ دفاعی و سفارتی پڑآ تاریخی سرسہبی ملانے، داسہ گرج داہیت انا ءِ کہ نن قومی شونداری کن خراج کلچر ءِ مون آدین، انتئے کہ پاکستان اٹ خراج تروک آتا کچ گڑتی نا حداسکان کم ءِ۔ اونا پاننگ ئس کہ شونداری بجٹ نا اسہ اسہ پائی ءِ شفاف و گچین وڑاٹ خڑچ کننگ انگ ءِ۔