راجی میراث ءُ دود ءُ ربیدگ ءِ وفاقی وزیر اورنگزیب خان کھچی ءَ آذربائیجان ءِ سفیر خضر فرہادوف ءَ گوں گند ءُ نند

اسلام آباد۔12اگست  (اے پی پی):راجی ورثہ ءُ دود ءُ ربیدگ ءِ شعبہ ءِ وفاقی وزیر اورنگزیب خان کھچی  ءَ پاکستان ءَ آذربائیجان ءِ سفیر خضر فرہادوف ءَ گوں وتی کارگس ءَ گند ءُ نند کت۔ گند ءُ نند ءِ ساھت ءَ سفیر ءَ دوئیں ملک آنی نیام ءَ دود ءُ ربیدگی کمک ءَ را گیش دیمروئی دیگ ءِ واستہ بازیں تجویز پیش کت ایشی ءِ تہ ءَ دود ءُ ربیدگی تبادلہ ءِ تہ ءَ گیشی،یکجائی موسیقی ءِ دیمروئیءُ ورثہ ءِ رکھینگ ءِ منصوبگ آنی تہ ءَ بھر زوری ھوار اِنت۔ آئی ءَ دود ءُ ربیدگ ءِ تبادلہ ءِ پروگرام 2024-2029 ءِ سرجمیں عمل درآمد ءِ ضلورت ءِ سر ءَ زور پر دات کہ ایشی ءِ سر ءَ آذربائیجان ءِ صدر ءِ جولائی 2024 ءَ پاکستان ءِ سرکاری تر ءُ تاب ءِ ساھت ءَ دستخط کنگ بوتگ۔ حاجی بیوف۔ اے میلہ ءِ برجم دارگ ءِ ھاتر ءَ فیسٹیول ہییدر علییف فائونڈیشن ءُ آذربائیجان ءِ وزارت ءِ دود ءُ ربیدگ ءِ کمک ءَ کنگ بیت ءُ ایشی ءِ تہ ءَ امریکہ، کوریا، جرمنی، سوئٹزرلینڈ، فرانس، ترکی ءُ دگہ ملک آنی ازمکار ھوار بنت۔ سفیر ءَ سوج دات کہ پاکستانی ریڈیو چینل آناں میلہ ءِ وھد ءَ آذربائیجان ءِ موسیقی ءِ شنگ کنگ بہ بیتءُ دود ءُ ربیدگ ءِ مراگش آنی تہ ءَ ھاسیں مراگش برجم دارگ بہ بنت ءُ آذربائیجان ءِ مواد ءِ وسیلگ ءَ دیم ءَ آرگ بہ بیت۔ آئی ءَ آذربائیجان ءِ دود ءُ ربیدگی ورثہ ءِ جھان ءِ تہ ءَ منصوبگ ءِ تہ ءَ پاکستان ءِ کمک ءِ ھم لوٹ کت کہ ایشی ءِ مول ءُ مراد آذربائیجان ءِ دود ءُ ربیدگی ورثہ ءَ را جھان ءِ تک ءَ دیمروئی ءُ رکھینگ اِنت۔ اے منصوبگ ءِ چیر دستی ءَ آذربائیجان ءِ آرٹ ءِ کار، مجسمہ، دست نبشتہ ءُ دگنیا ءِ میوزیم، لائبریری، آرکائیوءُ نجی کلیکشن ءِ تہا دستاویزءُ نمائش کنگ بیت۔ وفاقی وزیر اورنگزیب خان خیچی ءَ سفیر ءَ را وش اتک کنان ءَ گوشت کہ پاکستان ءُ آذربائیجان ءِ نیام ءَ سیادییکجائی اسلامی قدر، یکجائی روایاتءُ مردم آنی نیام ءَ رابطہ آنی بنیات ءَ انت۔ باکو ءِ تر ءُ تاب ءِ حوالہ ءَ آئی ءَ آذربائیجان ءِ مہمانداری ءُ دود ءُ ربیدگ ءِ زرّ ءُ مال ءِ توسیپ کت ءُ نوکیں دود ءُ ربیدگ ءِ منصوبگ آنی واستہ سرجمیں کمک ءِ دل یکیمی دات۔ وزیر ءَ پاکستانی ازمکاراں ستمبر ءِ میلہ ءَ روان دیگ ءِ جار جتگ ءُ آذربائیجان ءِ دود ءُ ربیدگ ءِ گل آناں دعوت دیگ ءِ جار جتگ کہ آ وتی ازم، موسیقیءُ میراث ءَ پاکستان ءَ پیش بہ کن اَنت۔ آئی ءَ اسلام آباد ءَ ”آذربائیجان ءِ دود ءُ ربیدگ ءِ میلہ“ ءِ برجم دارگ ءُ نمائشانی وسیلگ ءَ یکے دومی ءِ سرپدی ءِ دیمروئی ءِ پیشکش کتگ۔ سفیر ءِ واھشت ءِ سر ءَ پاکستانیءُ آذربائیجان ءِ روایتی پوشاک ”شیروانی“ ءَ را سرجمیں دگنیا ءَ دیم ءَ آرگ ءِ واھشت ءِ سر ءَ وفاقی وزیر ءَ سرجمیں حمایت ءِ درشانی کت ءُ گوشت کہ پاکستان ءِ صدر ءُ مزن وزیر ھاسیں موہ آنی سر ءَ شیروانی ءَ پوش اَنت۔ سفیر ءَ گوشت کہ شیروانی آذربائیجان ءِ دمگ ءَ ھم دوست دارگ ءُ پوشگ بیت۔ اے موہ ءِ سر ءَ ھواریں راجی ورثہ ءُ دود ءُ ربیدگ ءِ سیکرٹری ڈویژن اسد رحمان گیلانی ءَ دود ءُ ربیدگ ءِ تبادلہ ءِ تہ ءَ گیشی ءِ پاکستان ءِ واھشت ءِ پدرائی کت ءُ آذربائیجان ءَ بودائی کاریگر آناں روان دیگ ءِ سوج دات کہ آ اودا دود ءُ ربیدگ ءِ نمائش آنی تہ ءَ بھر زوری بہ کن اَنت۔ دوئیں نیمگاں دود ءُ ربیدگ ءِ کمک ءَ را گیش کنگ، میراث ءُ دود ءُ ربیدگ ءِ بابت ءَ استیں معاہدہ آناں نوک کنگ ءُ مردم آنی نیام ءَ رابطہ آناں دیمروئی دیگ ءِ سر ءَ تپاک کتگ۔ سفیر ءَ پاکستانی ادارگ آنی تہ ءَ آذربائیجان ءِ دود ءُ ربیدگی کونے جوڑ کنگ ءَ را سیادی ءَ را گیش مھکم کنگ ءِ ھاترا یک ھاسیں گامگیج ءِ رنگ ءَ گوشت۔