وزیراعظم شہباز شریف نا سمبازا ٹی خوارج آتا برخلاف سرسہب آپریشن آ سیکورٹی فورس آتے خراج تحسین

اسلام آباد۔ 12 اگست (اے پی پی) وزیراعظم محمد شہباز شریف پاکستان و اوغانستان نا سیمی علاقہ سمبازا ٹی خوارج آتابرخلاف اسہ پین سرسہب آپریشن اسے آ سیکورٹی فورس آتے خراج تحسین پیش کرسادہشت گردی نا پورو چٹفنگ اسکان اوفتا برخلاف جنگ ءِ برجاتخنگ نا عزم انا درشانی ءِ کرینے۔ سے شنبے نادے آوزیراعظم آفس نا میڈیا ونگ انا کنڈآن جاری بیان نا رداٹ وزیراعظم منہ دے مست ہندا علاقہ ٹی 47 خارجی تے جہنمی کننگ آن پد درونن 3 پین بھارتی سرپرستی ٹی سرگرم خارجی تے خلنگ آ سیکورٹی فورس آتا آفیسر وکارندہ غاتا کسبی لائخی تا ستاءِ کرے۔ وزیراعظم پارے کہ دہشت گردی نا عفریت نا ملک آن پورو چٹفنگ اسکان اوفتا برخلاف جنگ ءِ برجاتخنہ۔ اوپارے کہ پاکستان نا فوج دے ونن ارض ءِ وطن ءِ دہشت گرد آتیان پاک کننگ اٹ لگوک ءِ ہراڑآ کنتون اوار مچ آ قوم اوفتے خراج تحسین پیش کیک، ملک آن دہشت گردی نا پورو چٹفنگ نا بدل مفروک عزم اٹی مچ آ قوم پاکستان نا فوج اتون ہم کوپہ ءِ۔