بنجائی وزیر ریلوائی محمد حنیف عباسی نا ورناتا جہانی دے انا وخت آ کلہو

اسلام آباد۔ 12 اگست (اے پی پی) بنجائی وزیر ریلوائی محمد حنیف عباسی پارینے کہ حکومت ءِ پاکستان نا عزم ورناتے واکدار کرسا پاکستان ءِ سوگو کننگ ءِ، پاکستان نا ہر ورناسرسہبی و شونہالی نا سفیر ءِ۔ داخیال آتا درشانی ءِ او سے شنبے نادے آ ورناتا جہانی دے انا وخت آ تینا کلہو اٹی کرے۔ اوپارے کہ ورناک پاکستان نا غٹ آن نہادی میرات ءُ، پاکستان نا شونہالی و سوگوی نا راز باہمت و لائخ آ ورناک ءُ، حکومت ءِ پاکستان نا عزم ورناتے واکدار کرسا پاکستان ءِ سوگو کننگ ءِ۔ وزیرریلوائی پارے کہ وزیراعظم پاکستان نا وژن ہرورناءِ تعلیم، روزگار و مہارت نا وارخواہی فراوان کننگ ءِ، اسکلز ڈویلپمنٹ ، اسٹارٹ اپس و ٹیکنالوجی تون اوار ورناتیکن حکومت نا بھلا ڈک آک برجاءُ، پاکستان ریلوائی ورناتتون شونداری نا پٹڑی آ ہم کوپہ ہِننگ ءِ۔ اوپارے کہ پاکستان ریلوائی دا باہمت ورناتے خراج تحسین پیش کیک ہرا قوم انا شونداری نا سفر نا اصل محور ءِ، پاکستان نا ہر ورناسرسہبی و شونہالی نا سفیر ءِ۔ حکومت ءِ پاکستان نا مسخت ورناتا تغ تے حقیقت اٹ بدل مننگ و پاکستان ءِ شونداری نا بڑزی تیا سرکننگ ءِ۔