پاکستان کن امریکی ٹیرف اٹی کمتی برآمد کنندگان کن اہم ءُ موقع اسے، برآمد کنندگان داڑآن فائدہ ہرفر، جام کمال

اسلام آباد۔ 12 اگست (اے پی پی) بنجائی وزیر واپار جام کمال خان پارینے کہ پاکستان نا برآمد کنندگان امریکی مارکیٹ اٹی مسابقتی برتری دوئی کننگ کن تیار ءُ، حکومت نا کنڈآن تین پہ تینی ٹیرف ءِ 29 درسد آن کم کرسا 19 درسد کننگ کن سرسہبی اٹ گپ وتران کننگا ہراڈیہہ اٹی غٹ آن کم ءِ۔ سے شنبے نادے آ جاری پریس ریلیز نا رداٹ داخیال آتا درشانی ءِ او یوایس ریپروکل ٹیرف آ مروک آ دیوان اٹی کرے۔ دیوان اٹی وزیراعظم نا خصوصی کمکار صنعت و پیدوار ہارون اخترخان، وزیراعظم نا خصوصی کمکار واپار رانا احسان افضل، سیکرٹری واپار جواد پال، واپار ڈویژن و صنعت وپیدوار ڈویژن نا سینئر آفیسر و 30 آن زیات پنی آ برآمد کنندگان و ایس ایم ایز تون اوار چندی بشخ، سالٹائل، ایپس، ٹیکسٹائل، سپورٹس تون اوار ایلو بشخ آتیان تعلق تخوک آ بڑزکو کمامدارآک بشخ ہلکر۔ جام کمال خان پارے کہ وزیراعظم نا پارت آ ٹیر ف اٹی کمتی نا کمک اٹ تروک آ وارخواہی تیا برآمد کنندگان کن المی ءِ کہ داموقع غان فائدہ ہرفنگ و برآمد آتے ودفنگ کن مون آ ہِننگ نا کسر اس طے کننگے۔ اووزیرخزانہ و سیکرٹری واپار نا کوشست آتون اوار اوار دا مزل ءِ دوئی کننگ کن اسہ جوان ءُ حکمت عملی اس تیار کننگ اٹ نجی بشخ انا مخ تفی نا ستاءِ کرے۔ خصوصی کمکار ہارون اختر پارے کہ علاقائی فائدہ غاتے تالان کننگ و حکومت ساڑی آ حالیت آتیان ودی مروک آکاروباری وارخواہی تیان فائدہ ہرفنگ کن صنعت ءِ زیات آن زیات کمک فراوان کننگ کن سنبرینگوک ءِ۔ صنعت نا نمائندہ غاک واپاری سفارت کاری ٹی حکومت نا کوشست آتا ستاءِ کرسا سازگار واپاری چاگڑد و پالیسی سپورٹ آ زور شاغار ہرانا مسخت مینو فیکچرنگ نا خڑچ ءِ گچین کننگ و آخبت نا کاروباری وارخواہی تے عملی دروشم اس تننگ کن ان پٹ اسکان رسینگ دوئی کننگ ءِ۔ وزیر واپار پارے کہ گچین کمکاری و فیصلہ کن گام گیج آتا کمک اٹ پاکستان نا برآمدی صنعت آک نمان شونداری دوئی کننگ کیرہ۔ اومستی پارے کہ برآمد کنندگان آتا کنڈآن غٹ سلاہ و سوج آتے وزیراعظم ءِ سجفنگ کن پیش کننگک۔