سیکورٹی فورس آک بلوچستان نا ضلع ژوب اٹی بھارتی حمایت یافتہ فتنۃ الخوارج نا پین 3 کارندہ غاتے خلکر، آئی ایس پی آر

راولپنڈی۔ 12 اگست (اے پی پی) سیکورٹی فورس آک بلوچستان نا ضلع ژوب اٹی کلیئرنس نا کارروائی ٹی بھارتی حمایت یافتہ فتنۃ الخوارج نا پین 3 کارندہ غاتے خلکنو، چار دے اٹی پاک اوغان سیم آ دراندازی نا برخلاف آپریشن اٹی زوال کروک آ خوارج آتا کچ 50 مسنے۔ سے شنبے نادے آ آئی ایس پی آر آن جاری بیان نا رداٹ 7 آن 9 اگست اٹی ضلع ژوب انا علاقہ سمبازہ ٹی سیکورٹی فورس آک سرسہب کارروائی تیٹی 47 خوارج آتے جہنمی کریر، 10 و11 اگست نا نیامی نن، پاک اوغان سیم اتون اوار سمبازہ نا دامون ایمون نا علاقہ غاتیٹی کلیئرنس آپریشن کننگا۔ آپریشن اٹی ، مسہ پین ہندوستانی سپانسر شدہ خوارج آتے خلنگا۔ خلنگوک آ خوارج آتیان سلہہ ، گولہ بارود و دھماکہ خیز مواد ہم دوئی مسنے۔ چاردے اٹی پاک اوغان سیم آ دراندازی نا برخلاف آپریشن اٹی خلنگوک آ خوارج آتا کچ 50 مس۔ سیکورٹی فورس آک ملک انا سیم تے رکھ کننگ و پاکستان نا امن، سوگوی و شونداری ءِ لتاڑنگ نا کوشست آتے بے سہب کننگ کن سنبرینگوک ءُ۔