صدر آصف علی زرداری نا ژوب اٹی بھارتی سپانسر ڈ دہشت گرد آتا زوال کننگ آ سیکورٹی فورس آتے خراج تحسین

اسلام آباد۔ 12 اگست (اے پی پی) صدر مملکت آصف علی زرداری ضلع ژوب انا علاقہ سمبازہ ٹی بھارتی سپانسرڈ دہشت گرد آتا زوال کننگ آ سیکورٹی فورس آتے شاندار خراج تحسین پیش کرے و پارے کہ پاکستان نا امن، سوگوی و شونداری نا دشمنک اسُل سرسہب مفسہ ۔ ایوان ءِ صدر نا پریس ونگ آن سے شنبے نادے آ جاری بیان نا رداٹ صدر مملکت آصف علی زرداری پارے کہ تدوک آ چار دے اٹی 50 بھارتی سپانسرڈ دہشت گرد آتا زوال کننگ آ سیکورٹی فورس آتا کسبی مہارت، دلیری و عزم انا شاہدی ءِ۔ صدر آصف علی زرداری پارے کہ قوم دہشت گردی نا برخلاف تینا بہادر سلہہ بند فوج اتون ہم کوپہ سلوک ءِ۔ صدر مملکت پارے کہ پاکستان نا امن، سوگوی و شونداری نا دشمنک اسُل سرسہب مفسہ۔ دہشت گردی نا پورو چٹفنگ اسکان دا جنگ پورو واک اتون برجاسلک۔