NDMA ءَ بارش ءُ سیلاب ءِ آماچیں مردمانی کمک ءُ بحالی ءِ ھاتر ءَ صوبہ آنی گوما کمک ءَ را گیش ھمگرنچ کنگ ءِ ھاتر ءَ مزن وزیر شہباز شریف

اسلام آباد۔12اگست  (اے پی پی): مزن وزیر محمد شہباز شریف ءَ ہنگامی موسمی جاور ھال آنی سبب ءَ ھترہ ءِ آماچیں دمگ آنی الس آنی واستہ پگاسس آگاہی کیمپ جوڑ کنگ ءِ پنت ءُ شون داتگ ءُ گوشت کہ این ڈی ایم اے ءَ را ھور ءُ سیلاب ءِ آماچیں مردمانی کمک ءُ بحالی ءِ واستہ صوبگ آنی گوما کمک ءَ را گیش ھمگرنچ کنگ لوٹ ایت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے پنت ءُ شون سئے شمبے ءِ روچ ءَ ادا این ڈی ایم اے ءِ چیئرمین لیفٹیننٹ جنرل انعم ہزار ملک ءَ گوں گپ ءُ تران کنان ءَ داتگ ات آئی ءَ ادا مزن وزیر ءَ گوں گند ءُ نند کتگ ات۔ گند ءُ نند ءَ مزن وزیر ءَ را ملک ءَ گوستگیں ھور ءُ سیلاب ءَ چہ آماچیں مردمانی واستہ برجاھیں کمکی کار ءُ آیوکیں کجام ھم ایمرجنسی جاور ھال ءِ واستہ تیاری ءِ ھوالگ ءَ سرپد کنگ بوت۔ مزن وزیر ءَ را آئی ءِ پنت ءُ شون ءِ رد ءَ گلگت بلتستان ءَ زوتیں ہشدار ءِ نظام ءِ سرجمی ءَ چالو کنگ ءُ اے درگت ءَ وزارت موسمیات ءُ موسمی مٹ ءُ بدلی ءِ گوما کمک ءَ کتگیں پیشرفت ءِ بابت ءَ ہم سرپد کنگ بوت۔ مزن وزیر ءَ پنت ءُ شون کت کہ این ڈی ایم اے ءَ را گوستگیں ھور ءُ سیلاب ءِ آماچیں مردمانی کمک ءُ بحالی ءِ ھاتر ءَ صوبگ آنی گوما وتی کمک ءَ را گیش ھمگرنچ کنگ بہ بیت ءُ نزوریں دمگ آنی مردم آناں موسمی جاور ءُ ھرچ وڑیں ممکنہ ہنگامی جاور ھال آنی بابت ءَ سرپد کنگ بہ بیت۔