جمہوریت ءُ سیاست ءِ زیبائی گپ ءُ تران ءِ تہا انت، اے درگت ءَ ایوان ءِ کمیٹی جوڑ کنگ بہ بیت، اعظم نظیر تارڑ

اسلام آباد۔12اگست  (اے پی پی): وفاقی کانود ءِ وزیر اعظم نظیر تارڑ  ءَ گشتگ کہ جمہوریت ءُ سیاست ءِ جوانی گپ ءُ تران ءِ تہا انت، اے درگت ءَ ایوان ءِ کمیٹی جوڑ کنگ بہ بیت۔ سئے شمبے ءِ روچ ءَ راجی اسمبلی ءَ یک پوائنٹ آف آرڈر ءِ پسو ءَ سپیکر ءَ گوشت کہ استحقاق ءِ تحریک ءِ ھوالگ ءَ باقاعدہ رھبند است انت۔ گوستگیں روچ ءَ راہول گاندھی ہندوستان ءَ دزگیر کنگ بوتگ بلے آئی ءِ پروڈکشن آرڈر شنگ نہ بوتگ۔ استحقاق ءِ خلاف ورزی ءِ رد ءَ دیوان نہ کنگ ءَ نہ بیت۔ استحقاق ءِ خلاف ورزی ءِ سبب ءَ یک باسک ءِ پارلیمانی ذمہ واری ءِ پیلو کنگ ءَ چہ رکّینگ بیت۔ سرکار ءُ اپوزیشن گپ ءُ تران بہ کن انت، من آسراتی پجارینگ ءَ ساڑی آں، ما پیسر ءَ ہم آسراتی داتگ انت۔ اسپیکر ءَ گوشت کہ اے ایوان مئے گرینڈ جرگہ انت بیا اِت ادا گپ ءُ تران کن ایں ۔ سینیٹ ءُ راجی اسمبلی مئے مزنیں جرگا انت۔ وزیر ءِ کانود اعظم نظیر تارڑ  ءَ گشتگ مرچی پرائیویٹ ایکشن ءِ روچ انت اپوزیشن بائیکاٹ ءِ سرا دوبر ھیال ءُ لیکہ بہ کنت۔ اپوزیشن اتک ءُ مئے گوما نشت، سیاست ءِ زیبائی گپ ءُ تران ءِ تہا انت، ایشی ءِ سرا کمیٹی جوڑ کنگ بہ بیت۔ جوڑ کن ءُ گپ کن۔ اسپیکر ءَ گوشت کہ وزیر ءِ کانود، وزیر ءِ تہی کار، نوید قمر ءُ اپوزیشن ءِ نیمگ ءَ چہ دو باسک نندگ ءُ ایشی ءِ سر ءَ پیسلہ کنگ بہ بیت۔ پیپلز پارٹی ءِ باسک عبدالقادر پٹیل ءَ گشتگ کہ کمیٹی ءِ نندگ ءِ وھد ءَ اے گپ ءِ سرا ہم ھیال داری کنگ بہ بیت کہ ما پیسریگیں اسپیکر اسد قیصر ءِ کارگس ءِ دپ ءَ سرجمیں شپ ءَ آصف زرداری ءِ پروڈکشن آرڈر ءِ جار جنگ ءِ ھاتر ءَ ھست بوتگیں ۔ آ چہ پُشت ءِ دروازگ ءَ سھب ءِ سئے بج ءَ درکپتگ۔ آئی ءَ وتی مدت ءِ تہا کتگیں گامگیج آنی سرا معذرت کنان ءَ اعتراض ءِ نقطہ ءِ سر ءَ گپ ءُ تران بندات کتگ۔ اسپیکر ءَ گوشت کہ شما لوٹ کتگ ات کہ اپوزیشن ءِ باسک آنی دزگیر کنگ ءِ سر ءَ پروڈکشن آرڈر جاڑی کنگ بہ بیت۔ اے ساھت ءَ اپوزیشن ءَ علامتی واک آؤٹ کتگ۔