ورنا آناں نوکیں زانت ءُ ڈیجیٹل ہنر سکھارینگ  وھد ءِ لوٹ انت سردار ایاز صادق

اسلام آباد۔12اگست  (اے پی پی): راجی اسمبلی ءِ اسپیکر سردار ایاز صادق ءَ گوشت کہ ورنا آناں نوکیں زانت ءُ ڈیجیٹل ہنر آنی  سکھارینگ  وھد ءِ لوٹ اِنت، ءُ ورنا آنی صلاحیت آناں گیش کنگ ءَ چہ رژنائیں باندات ءِ بنیات ایر کنگ بوت کنت۔ راجی اسمبلی سیکرٹریٹ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی سئے شمبے ءِ روچ ءَ میاں اوستمانی ورنا آنی روچ ءِ موہ ءَ وتی کلوہ ءِ تہ ءَ کت۔ قومی اسمبلی ءِ صدر ءَ گوشت کہ دگنیا ءِ ورنا ھاسیں رنگ ءَ پاکستانی ورنا آناں شرپ مند ی کناں۔ ورنا راج ءِ باندات انت۔ پاکستان ءِ 60 درسد ءَ چہ گیش آبادی ورنا آں چہ جوڑ بیت۔ ورنا آناں سائنسی زانت ءُ نوکیں ٹیکنالوجی ءَ چہ دزبندی کنگ ءَ چہ ملک ءَ را دیمروئی ءِ کشک ءَ ایر کنگ بوت کنت۔ اللہ تعالیٰ ءَ پاکستانی ورنا آناں بے دروریں استعداد ءِ نعمت داتگ۔ پاکستانی ورنا آں ہر پڑ ءَ ملک ءُ قوم ءِ شان ءُ شان آورتگ۔ ورناہانی تہا چیلنجاں گوں دیم پہ دیم بوھگ ءِ سرجمیں صلاحیت است انت۔ سردار ایاز صادق ءَ گوشت کہ آپریشن بنیان مرسوس ءَ ورنا آں بے دروریں راجی یکوئی ءِ درشان کتگ۔ ورنا آناں نوکیں زانت ءُ ڈیجیٹل مہارت ءِ پجارینگ وھد ءِ لوٹ اِنت۔ ورنا آناں پائیدار دیمروئی ءِ واستہ ڈیجیٹل ٹیکنالوجی ءِ تہ ءَ موہ رسگ لوٹ ایت۔ راجی اسمبلی ءِ صدر ءَ گوشت کہ استیں پارلیمنٹ نوکیں نسل ءَ را توانمند کنگ ءِ واستہ جزمیگ انت۔ قومی اسمبلی ءَ ورنا آناں آئین ءُ پارلیمانی ارزشت آنی گوما آشنا کنگ ءِ واستہ انٹرنشپ پروگرام ءِ جاری انت۔ ورنا پارلیمانی فورم ورنا آنی جیڈھ آنی گیواری ءَ سرگرمیں کرد پیلو کنگ ءَ انت۔ آئی ءَ گوشت کہ ورنا آنی ازم آنی دیمروئی ءَ چہ یک وشیں باندات ءِ بنیات ایر کنگ بوت کنت، مزن وزیر شہباز شریف ءِ مزن وزیر ورنا آنی پروگرام ستا کرز انت۔