بھارت دروگیں الزام ءِ سر ءَ جیل ءَ بندیں کشمیری حریت ءِ سروک محمد یاسین ملک ءَ دار ءَ چگل دیگ ءِ تیاری ءَ اِنت، مشال ملک

اسلام آباد۔12اگست  (اے پی پی): حریت ءِ سروک یاسین ملک ءِ جنین مشال ملک ءَ گشتگ کہ بھارت جیل ءَ بندیں کشمیری حریت ءِ سروک محمد یاسین ملک ءَ را دروگیں الزام ءِ سر ءَ دار ءَ چگل دیگ ءِ تیاری ءَ انت، یاسین ملک سرجمیں دنیا ءَ آجوئی ءُ امن ءِ علامت انت۔ ادا شنگ بوتگیں بیان ءِ تہ ءَ آئی ءَ گوشت کہ اے کیس ءِ ھاسیں گوشدارگ 10 نومبر ءَ بوھگ ءَ اِنت ءُ ایشی ءَ چہ پیسر ھم دگنیا ءِ ضمیر ءِ ھلاس کنگ ءِ کال چست کنگ بوتگ۔ کشمیر ءِ جہد نوکیں موڑ ءِ سر ءَ اِنت ءُ دنیا ءِ چم نوں اے پیسلہ ءِ سرا سک اَنت، یاسین ملک کشمیریانی آجوئی ءِ پرچم ءَ داں گڈی ساہ ءَ گوں دست ءَ اِنت، کشمیر امن ءِ کلید اِنت ءُ ہمے رنگ ءَ جنگ ءِ فلیش پوائنٹ اِنت۔ مشال ملک ءَ گوشت کہ ظلم ھمنچو گیش بہ بیت کشمیری آنی ھمت ھمنچو گیش بیت۔ کشمیر ءِ ھمک زھگ یاسین ملک ءِ جُھد ءِ گواہ اِنت۔ دُگنیا ءِ چم کشمیر ءِ نیمگ ءَ سک اَنت ءُ یک ردیں گامگیجے جہانی بحران ءِ آماچ بوت کنت۔ مشال مالک ءَ گشتگ کہ یاسین مالک ءِ سزا دیگ امن ءِ امیتانی سرا لگتے انت۔ آجوئی ءِ نعرہ انگت کشمیر ءِ ہوا ءَ گونجگ ءَ اِنت۔ مشال مالک ءَ گوشت کہ راستی سوبمند بیت، زلم ہار بیت، راجدپتر گواہ بیت۔ یاسین ملک ءِ دار ءَ چنگ ءِ ہندوستان ءِ منصوبہ پدر بوتگ ۔ یاسین ملک امن ءِ علامت انت۔ کشمیر ءِ توار ءَ دپ کپگ ءِ کوشست بے سوب بیت۔ مشال ملک ءَ گوشت کہ 10 نومبر ءَ گوشدارگ ءَ چہ پیسر کشمیر ءِ آجوئی ءِ واستہ نوکیں موڑ انت۔ یاسین مالک ءِ جان ھترہ ءِ آماچ انت ءُ جھان ءِ چم ھندوستان ءِ پیسلہ ءَ سک انت ۔