بنجاھی وزیر نیک راھی کار ءِ صدر ءَ گوں گند ءُ نند کتگ، اقلیتانی حقانی رکھینگ، مذہبی رواداری ءِ دیمروئی ءُ مذہب یکوئی  ءِ بابت ءَ گپ ءُ تران

اسلام آباد۔12اگست  (اے پی پی): وفاقی وزیر برائے مذہبی کار سردار محمد یوسف ءَ صدر ءِ مملکت ءَ صدر آصف علی زرداری ءَ گوں گند ءُ نند کتگ ءُ اقلیت آنی حق آنی رکھینگ، مذہبی رواداری ءِ دیمروئی ءُ بین مذاہب یکوئی ءِ ھوالگ ءَ سرجمی ءَ گپ ءُ تران کتگ۔ سئے شمبے ءِ روچ ءَ صدر ءِ مملکت ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گوشت کہ اقلیت آنی عبادت جاھاں ناجائزیں تجاوزات ءَ چہ آزات کنگ ءِ واستہ موثر گامگیج لوٹ ایت۔ صدر آصف علی زرداری ءَ اقلیت ءِ راج ءِ حق آنی واستہ وزارت ءِ مذہبی کار آنی کوشست آناں ساڑات۔ مذہبی وفاقی وزیر سردار محمد یوسف ءَ گوشت کہ اقلیت ءِ وشھالی فنڈ ءِ نیمگ ءَ چہ 2236 نودربر آناں 60ملین کلدار ءِ وانگ ءُ زانگ ءِ اسکالرشپ دیگ بوتگ، وھدیکہ 1231 زلورت مندیں مردم آناں مالی کمک دیگ بوتگ۔ وفاقی وزیر ءَ گوشت کہ اقلیت آنی 32 عبادت جاہ آنی جوڑیشت ءُ سجائینگ ءِ واستہ 45ملین کلدار ءِ فنڈ ایر کنگ بوتگ۔ مذہبی کار ءُ بین المذاہب یکوئی  ءِ وفاقی وزیر سردار محمد یوسف ءَ گوشت کہ بیساکھی، گرو نانک دیو جی ءِ سالروچ، کٹاس راج ءُ سادھو بیلا ءِ وڑیں مراگش آنی واستہ مفت ءَ آسراتی دیگ بوھگ ءَ انت۔ وفاقی وزیر ءَ گوشت کہ نفرت ءِ گشتانک آنی گر ءُ دار ءِ واستہ جتا جتائیں مذھب آنی زانتکار آنی گوما مشورہ کنگ بیت۔ وفاقی وزیر ءَ اقلیتی کمیونٹی ءِ جیڈھ آنی گیواری ءُ آہانی حق آنی سہرا کنگ ءِ واستہ صدر آصف علی زرداری ءِ دلگوشی ءُ کمک ءِ شگر ءُ منت گپت۔