مزن وزیر شہباز شریف ءَ سمبازہ ءَ  درئی ناشرکار آنی   ھلاپ ءَ سوبمندیں آپریشن ءِ پد ءَ سیکورٹی فورسز ءَ را توسیپ  ءُ ستا پیش کتگ

اسلام آباد۔12اگست  (اے پی پی): مزن وزیر محمد شہباز شریف ءَ پاکستان ءُ اوگانستان ءِ سیم سر ءِ دمگ سمبازہ ءَ خوارج ءِ ھلاپ ءَ یک دگہ سوبمندیں آپریشن ءِ ھاترا سیکورٹی فورسز ءَ را شگر ءُ منت درشان کتگ ءُ ناشرکاری ءِ ھلاپ ءَ جنگ ءَ را برجاہ دارگ ءِ جزم ءِ درشان کتگ داں کہ ناشرکاری سرجمی ءَ ھلاس کنگ بہ بیت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ مزن وزیر ءَ لہتیں روچ پیسر ھمے دمگ ءَ 47درملکی ءِ کوش ءَ پد گوستگیں شپ ءَ بھارتی سرپرستی ءَ کار کنوکیں 3 دگہ درملکی مردم آنی کوش ءِ واستہ سیکورٹی فورسز ءِ افسر ءُ کارندہ آنی پیشہ وارانہ مہارت آنی ستا کرتگ۔ مزن وزیر ءَ گوشت کہ ناشرکاری ءِ ھلاپ ءَ جنگ داں ھما وھد ءَ برجاہ بیت داں ناشرکاری ملک ءَ چہ سرجمی ءَ ھلاس نہ بیت۔ آئی ءَ گوشت کہ پاکستانی سلاھ بندیں اُرد وطن ءَ را ناشرکار آنی چہ پاک کنگ ءَ شپ ءُ روچ دزگٹی انت، ایشی ءِ واستہ سرجمیں راج ایشاں چہ ناشرکار آنی تہ ءَ ھوار انت ۔ سرجمیں راج پاکستانی سلاہ بندیں اُرد ءِ ھمراھی ءَ وتی بے مٹیں جزم ءِ تہ ءَ اوشتاتگ کہ آ ملک ءَ چہ ناشرکاری ءَ سرجم ءَ ھلاس بہ کن اَنت۔