پی آئی ڈی ءِ چیر دستی ءَ برجم داشتگیں سیمینار ءَ گشتانک دیوکاں پائیدار دیمروئی ءُ وشھالی ءِ واستہ یکوئی ءُ تہاکی ءِ سر ءَ زور پر داتگ

لاہور۔ 11 اگست (اے پی پی): پریس انفارمیشن ڈیپارٹمنٹ ءِ چیردستی ءَ ”78می آجوئی ءِ روچ: برجمیں دیمروئی ءِ ھاتر ءَ سوبمندی، چیلنج ءُُ موہ“ ءِ سرھال ءَ سیمینار ءِ برجم دارگ بوت۔ سیمینار ءِ تہ گشتانک دیوکاں یکوئی ء یکوئی ءَ را راجی دیمروئی ءُ وشھالی ءِ واستہ المی لیک ات ءُ گوشت کہ پاکستان ءِ الس ءَ زندمان ءِ ھمک پڑ ءَ برجمیں بستار ءِ ھاترا سرجمیں صلاحیت است انت۔ سیمینار ءَ گوں تران کنان ءَ سینئر اھوالکار ءُ کالم نبیس مجیب الرحمان شامی ءَ گوشت کہ پاکستان ءِ جوڑ بوھگ راجدپتری کامیابی ات ءُ آجوئی ءَ پد ملک ءَ صنعتی دیمروئی، راجی بنیاتی ڈھانچہ ءِ جوڑ کنگ ءُ ایٹمی طاقت جوڑ بوھگ ءِ وڑیں مزنیں سنگ میل آنی سر ءَ چہ گوستگ۔ آئی ءَ گوشت کہ ڈسپلن ءِ وتی کنگ ءَ چہ ملک ءِ دیمروئی ءِ رفتار ءَ را باز رند ءَ گیش کنگ بوت کنت۔ سینئر اھوالکار ارشاد احمد عارف ءَ گوشت کہ پاکستان ءَ بے کساس جوانیں تک ءُ پہنات است انت کہ آھاں را پدر کنگ لوٹ ایت وھدیکہ ملک ءَ روزگار ءِ موہ ءُ درملک ءَ روگ ءِ ھنرمندیں مردم راجی معیشت ءِ تہ ءَ جوانیں کرد پیلو کنگ ءَ انت۔ سینئر اھوالکار سلمان غنی ءَ گوشت کہ پائیدار دیمروئی ءِ واستہ پالیسی ءِ تہ ءَ تسلسل المی اِنت ءُُ لائکیں سروکی ءِ گچین کنگ ءَ چہ ملک ءِ نیم جیڈھ گیش ءُ گیوار بوت کن اَنت۔ سینئر اھوالکار نصر اللہ ملک ءَ گوشت کہ مھکمیں چاگرد ءِ جوڑ کنگ ءِ واستہ انسانی وسائل ءِ دیمروئی بنیاتی ارزشت ءِ دار انت، وھدیکہ ورنا آنی وانگ ءُ زانگ ءُ ہنر ءِ دیمروئی ءِ سر ءَ دلگوش دیگ وھد ءِ لوٹ انت۔ وانگ ءُ زانگ ءِ کارندہ ڈاکٹر ارشا ءَ گوشت کہ پاکستان ءَ سیاسی بے رھبندی، گریبی ءُ اندری ھوپ ءُ چاگرد ءِ وڑیں جیڈھ آنی پد ءَ ھم دیمروئی ءِ واستہ مزنیں گنجائش است انت۔ آئی ءَ گوشت کہ بدلی انفرادی تک ءَ چہ بندات کنگ بہ بیت ءُ ملامت کنگ ءَ چہ بچگ بہ بیت۔ وانگ ءُ زانگ ءِ کارندہ ڈاکٹر عائشہ جامی ءَ گوشت کہ 2030 ءَ تاں بگ ڈیٹا، مصنوعی ذہانت، سائبر سیکیورٹی ءُ ایندگر نوکیں ٹیکنالوجی آنی ھوالگ ءَ ایوک ءَ 20 پڑ ھاسیں رنگ ءَ مانیت، پمیشکا ورنا آناں اے ھنر آنی تہ ءَ ھوار کنگ المی اِنت۔ آئی ءَ بھارتی زوراکی ءِ سرا موزوںیں پسو ءُُ دوستیں ملک آنی کمک ءَ را پاکستان ءِ اسٹریٹجک سوبمندی لیک اتگ۔ مراگش ءَ گشتانک دیان ءَ پی آئی ڈی لاہور ءِ ڈائریکٹر جنرل شفقات عباس ءَ گوشت کہ گوستگیں 78سال آنی تہ ءَ پاکستان ءَ مزنیں سوبمندی رستگ، البت گریبی، موسمیاتی مٹ ءُ گورننس ءِ وڑیں چیلنج آناں چہ گر ءُ چیل بوھگ ءِ واستہ یکوئی، وژن ءُ تسلسل المی اِنت۔ مراگش ءَ محمد مہدی، افتخار احمد ءُ نور اللہ ءَ ھم گشتانک دات۔