ساجدہ فاروق تارڑ ءِ گشگ انت کہ آجوئی ءِ روچ ایوک ءَ راجدپتری روچ نہ انت بلکیں قربانی، جہد ءُ جزم ءِ علامت انت

لاہور۔ 11 اگست (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءِ مات ساجدہ فاروق تارڑ ءَ گوشت کہ 14اگست ایوک ءَ راجدپتری روچ نہ انت بلکیں قربانی، جہد ءُ جزم ءِ علامت انت۔ آئی ءَ گوشت کہ اے روچ مارا وتی پیرین آنی قربانی آنی یات ءَ دنت کہ آجوئی ءِ واب ءَ را راستی ءِ جوڑ کنگ ءِ واستہ وتی جان، مال ءُ گس ندر کتگ اَنت۔ اے پی پی ءَ گوں ھاسیں رنگ ءَ گپ ءُُ تران کنان ءَ آئی ءَ گوشت کہ وفاقی ءُ پنجاب حکومت ءِ محنت ءُ پالیسی آنی سبب ءَ مرچیگیں پاکستان گہتری ءِ نیمگ ءَ روگ ءَ انت۔ وفاقی حکومت معیشت ءِ زندگ کنگ، توانائی ءِ شوبگ ءَ اصلاحات ءُ وانگ ءُ زانگ ءُُ جان سلامتی ءِ منصوبگ آنی سر ءَ ھاسیں دلگوشی دیگ ءَ اِنت۔ آئی ءَ گوشت کہ سرمایہ کار آنی دلبڈی بحال کنگ بوھگ ءَ انت ءُ مہنگائی ءَ را کنٹرول کنگ ءِ واستہ عملی گامگیج کنگ بوھگ ءَ انت تانکہ الس ءَ را ریلیف پجارینگ بہ بیت۔ ساجدہ فاروق تارڑ ءَ پنجاب حکومت ءِ کارکردگی ءِ بابت ءَ گپ جنان ءَ گوشت کہ صوبگ ءَ وشھالی منصوبگ، اسپتال آنی اپ گریڈیشن، نوکیں وانگ ءُ زانگ ءِ آسراتی آنی پجاری ءُ زالبول آناں توانائی ءِ پروگرام آنی سر ءَ ترندی ءَ گوں کار کنگ بوھگ ءَ انت۔ آئی ءَ گوشت کہ کشت ءُ کشاری آنی واستہ سبسڈی، سڑک آنی جوڑیشت ءُُ مرمت ءُُ ساپیں آپ ءِ پجارینگ ءِ واستہ منصوبگ ھم مریم نواز ءِ اولی ترجی آنی تہ ءَ ھوار اَنت۔ آئی ءَ گوشت کہ آجوئی ءِ روچ مارا اے کلوہ ءَ دنت کہ ما راجی یکوئی ءُ وت مہ وتی مہر ءِ جذبہ ءَ را دیم ءَ برگ لوٹ ایں تانکہ پاکستان دگنیا ءِ تہ ءَ یک مھکمیں، وشھالیں ءُ دیمروئی کتگیں ملکے جوڑ بہ بیت۔ آئی ءَ ملک ءِ شھید ءُ غازی آناں مزنیں شگر ءُ منت گپت ءُ دعا کت کہ اللہ تعالیٰ پاکستان ءَ را مدام مھکم بہ دار ایت ءُ ھرچ آزمائش ءُُم سازش ءَ چہ رکھین ایت۔