خیبر پختونخوا ءِ گورنر فیصل کریم کنڈی ءِ راجی اقلیتانی روچ ءِ درگت ءَ کلوہ

پشاور۔ 11 اگست (اے پی پی):خیبر پختونخوا ءِ گورنر فیصل کریم کندی ءَ راجی اقلیتانی روچ ءِ درگت ءَ پاکستان ءَ نندوکیں درستیں اقلیت آناں مبارک بات داتگ ءُ ملک ءِ دیمروئی ءُ دیمروئی ءِ تہ ءَ آھانی کرد ءَ را ساڑاتگ۔ راجی اقلیتانی روچ ءِ موہ ءَ خیبر پختونخوا ءِ گورنر فیصل کریم کندی ءَ وتی کلوہ ءِ تہ ءَ گوشت کہ 2009 ءَ صدر آصف علی زرداری ءَ 11 اگست ءَ را راجی اقلیت آنی روچ ءِ جار جتگ تانکہ قائداعظم محمد علی جناح ءِ راجدپتری گشتانک ءَ را پدر کنگ بہ بیت۔ اقلیتانی مذہبی آزادی ءُ برابری ءِ حقانی رسگ ءِ ھاترا واضح طور ءَ پنت ءُ شون کتگ۔ آئی ءَ گوشت کہ اقلیت آنی ھک آنی رکھینگ ریاست ءُ ھمک حکومت ءِ آئینی ءُ اخلاقی ذمہ واری اِنت، ھمے وھد ءَ شہری آنی سر ءَ ملک ءَ نندوکیں درستیں اقلیت آنی احترام کنگ ھم واجب اِنت۔ قائداعظم ءِ اسمبلی ءَ گشتانک ءُ شہید ذوالفقار علی بھٹو ءِ آئین ءِ حوالہ ءَ آئی ءَ گشتگ کہ اے دوئیں راجدپتری کاگد اقلیتاں برابریں شہری ءِ بستار ءَ منگ ءَ انت۔ پاکستان پیپلز پارٹی وتی بنگیج ءَ چہ اقلیتانی حق ءُ آہانی رکھینگ ءِ سرا پابند بوتگ ءُ آیوکیں وھد ءَ ہم اے جہد ءَ برجاہ دار ایت۔