مزن وزیر وفاقی وزیر اورنگزیب خان کھچی ءِ پنت ءُ شون ءِ رد ءَ راجی ورثہ ءُ دود ءُ ربیدگ ءِ بہر ءِ دیمروئی ءُ بحالی ءِ ھاتر ءَ درستیں وسیلگ کارمرز کنگ بوھگ ءَ انت

لاہور۔11اگست  (اے پی پی): راجی ورثہ ءُ دود ءُ ربیدگ ءِ وفاقی وزیر اورنگزیب خان کھچی ءَ گوشت کہ مزن وزیر محمد شہباز شریف ءِ پنت ءُ شون ءِ رد ءَ راجی ورثہ ءُ دود ءُ ربیدگ ءِ دیمروئی ءُ بحالی ءِ واستہ درستیں وسیلگ آناں کارمرد کنگ بوھگ ءَ انت۔ اردو زبان مئے تہذیب، دود ءُ ربیدگ ءُ راجی یکوئی ءِ علامت انت۔ ڈویژن ءِ درستیں ادارہاں ایشی ءِ دیمروئی ءِ ھاتر ءَ سرجمیں کرد پیلو کنگی اِنت۔ رائٹ سائزنگ ھما ادارہانی تہا کنگ نہ بوھگ ءَ اِنت کہ آ راجی پجار ءِ مظہر اَنت۔ اے ھیالانی درشانی آئی ءَ دوشمبے ءِ روچ ءَ اردو سائنس بورڈ ءَ ڈیجیٹل پرنٹنگ سیل ءِ بنگیج ءِ موہ ءَ تران کنان ءَ کت۔ اے موہ ءِ سر ءَ راجی میراث ءُ دود ءُ ربیدگ ءِ سینئر جوائنٹ سیکرٹری ڈویژن صابینوسکندر جلال، راجی زبان ءِ دیمروئی ءِ ادارگ ءِ ڈائریکٹر جنرل پروفیسر ڈاکٹر محمد سلیم مظہر، اردو سائنس بورڈ ءِ ڈائریکٹر ضیاء اللہ خان، اقبال اکیڈمی ءِ ڈائریکٹر ڈاکٹر عبدالرؤف ھوار اتنت۔ رفیقی، پنجاب یونیورسٹی ءِ زبان ءُ لبزانک ءِ ادارہ ءِ ڈائریکٹر، پروفیسر ڈاکٹر بسیرہ امبرین ءُ تربیت ءِ ڈائریکٹر ٹی ای وی ٹی اے، امبرا فضل چٹھا ءُ دگہ بازیں مردم ہم ھوار اتنت۔ وفاقی وزیر ءَ گوشت کہ مزن وزیر محمد شہباز شریف ءِ پنت ءُ شون ءِ رد ءَ حکومت راجی یراث ءُ دود ءُ ربیدگ ءِ دیمروئی ءُ بحالی ءَ را اولی ترجی ءَ دیگ ءَ انت۔ بجٹ، کارشناس ءُ نوکیں آسراتی ءَ ھوار درستیں دستیابیں وسیلگ پہ راجدپتری جاہ، روایتی ھنر، زبان ءُ دود ءُ ربیدگ ءِ کارانی رکھینگ ءُ دیمروئی ءَ کارمرز کنگ بوھگ ءَ اَنت۔ اے گامگیج نہ ایوک ءَ ملک ءِ راجدپتری پجار ءِ رکھینگ ءَ کمک کن اَنت بلکینگ ءَ راجی زبان ءِ دیمروئی، سیل ءُ سواد ءُ معیشت ءِ دیمروئی ءَ ھم مزنیں کردے پیلو کن اَنت۔ آئی ءَ گوشت کہ راجی میراث ءُ دود ءُ ربیدگ ءِ بہر ءِ توامیں ادارگ راجی پجار ءِ جلوہ اَنت۔ ایشانی دیمروئی ءُ مھکمی نہ ایوک ءَ مئے دود ءُ ربیدگ ءِ پجار ءَ را برجائی کنت بلکینگ ءَ دگنیا ءِ تہ ءَ پاکستان ءِ جوانیں امیج ءَ را ھم پدر کنت۔ وفاقی وزیر ءَ راجی زبان ءِ دیمروئی ءِ ھاتر ءَ ادارگ ءِ کوشست آناں وھد ءِ ضلورت لیک اتگ ءُ گوشت کہ اردو زبان مئے تہذیب، دود ءُ ربیدگ ءُ راجی یکوئی ءِ علامت انت۔ ایشی ءِ دیمروئی ءِ واستہ راجی میراث ءُ دود ءُ ربیدگ ءِ بہر ءِ درستیں ادارگ یکجائی ءَ کرد پیلو بہ کن انت۔ آئی ءَ گوشت کہ اے ادارگ رائٹ سائزنگ کنگ ءَ نہ اَنت، بلکینگ ءَ وتی دیم ءَ اوشتاتگیں جیڈھ آنی گیواری ءِ واستہ شپ ءُ روچ کار کنگ ءَ اَنت۔ اے موہ ءِ سر ءَ اردو سائنس بورڈ ءِ ڈائریکٹر ضیا اللہ خان ٹورو ءَ وفاقی وزیر ءَ را اردو سائنس بورڈ ءِ جاری ءُ آیوکیں شنگکاری منصوبگ آنی بابت ءَ سرپد کت۔ آئی ءَ گوشت کہ اردو سائنس بورڈ ءِ نیمگ ءَ چاپ آنی ڈیجیٹل پرنٹنگ بندات کنگ بوتگ، اے درگت ءَ بورڈ ءِ تہ ءَ یک ڈیجیٹل پرنٹنگ سیل ءِ جوڑ کنگ بوتگ کہ اودا کتابانی کمپوز کنگ، ڈیزائن کنگ ءُ چاپ کنگ ءِ درستیں پڑ سرجم کنگ بنت۔ آئی ءَ گوشت کہ بورڈ ءِ نیمگ ءَ چاریں صوبگ گلگت بلتستان ءُ آزاد کشمیر ءِ یونیورسٹی آنی گوما کمک ءُ شریکی ءِ معاہدہ بوتگ، بورڈ کوہسر یونیورسٹی مری ءَ را شنگکاری آنی ڈیجیٹل پرنٹنگ ءِ تہ ءَ کمک کنت۔ آئی ءَ گوشت کہ زبان ءِ دیمروئی ءِ ھوالگ ءَ لاہور کالج فار وومن یونیورسٹی ءُ ہوم اکنامکس یونیورسٹی ءِ گوما ھم یک معاہدے ءِ سر ءَ دستخط کنگ بوتگ، کتاب آنی ڈیجیٹلائزیشن ءِ واستہ پنجاب آئی ٹی بورڈ ءِ گوما ھم یک معاہدہ ءِ سر ءَ دستخط کنگ بوتگ، ایشی ءَ چہ اے کتاب آن لائن جوڑ بنت ءُ آیوکیں نسل ھم ایشی ءَ چہ سیت چست کنگ ءِ وس ءَ دار اَنت۔ آئی ءَ گوشت کہ بورڈ سرجمیں ملک ءَ سرکاری ءُ پرائیویٹ لائبریری ءُ وانگ ءُ زانگی ادارگ آنی تہ ءَ کتاب آنی بہا کنگ ءِ واستہ پکوئیں گامگیج کنگ ءَ انت۔ ڈائریکٹر اردو سائنس بورڈ ءَ گوشت کہ بورڈ جتا جتائیں تربیتی کورس آنی وسیلگ ءَ افسر آنی گنجائش ءَ را گیش کنگ ءِ کوشست ھم کنگ ءَ انت۔ ڈاکٹر محمد سلیم مظھر ءَ ادارہ ءِ پٹ ءُ پولی، شنگکاری ءُ دودمانی کارانی سرا رژنائی شنگ کت ءُ آئی ءَ را گشت کہ اے ادارہ 1962 ءَ جوڑ کنگ بوتگ۔ راجی ورثہ ءُ دود ءُ ربیدگ ءِ وفاقی وزیر اورنگزیب خان کھچی ءَ اردو زبان ءِ تہا سائنسی ءُ چاگردی زانت آنی دیمروئی ءِ ھاتر ءَ بورڈ ءِ اکیڈمک ءُ لبزانکی ازمت آناں ساڑات۔ ایشی ءَ پد وفاقی وزیر ءَ ادارگ ءِ لائبریری، کیلیگرافی، پبلشنگ ءُ اے دگہ محکمہ آنی سر ءَ چار ءُ تپاسی کت ءُ اردو سائنس بورڈ ءَ ڈیجیٹل پرنٹنگ سیل ءِ بنگیج کت۔ اے موہ ءِ سر ءَ وفاقی وزیر ءَ ادارہ ءِ سبزیں دمگ ءَ یک یادگاری بوٹگے ھم کش اِتگ۔