پاکستان انصاف، برابری ءُ رواداری ءِ اصولانی سرا جوڑ کنگ بوتگ ءُ مدام ہمے بنیادانی سرا اوشتات کنت، محسن نقوی

اسلام آباد۔11اگست  (اے پی پی): وفاقی تہی کارانی وزیر محسن نقوی ءَ گوشت کہ پاکستان ءِ بُن ھشت اسلام ءِ زرین رھبند، انصاف، برابری ءُ رواداری ءِ سر ءَ ایر کنگ بوتگ ءُ مدام ھمے بنیات آنی سر ءَ اوشتات کنت۔ پاکستان اقلیتانی جان ءُ مال، آزاتی ءِ عقیدہ ءُ عبادت ءَ نہ ایوک ءَ آئینی ذمہ واری لیکیت بلکیں ریاستی پجار ھم لیکیت۔ پاکستان ءِ تہا نندوکیں ہر شہری چہ مذہب ءَ ابید یک برابریں پاکستانی یے ۔ راجی اقلیتانی روچ ءِ درگت ءَ وتی کلوہ ءِ تہ ءَ تہی کارانی وزیر محسن نقوی ءَ گوشت کہ اسلام ءِ مذھب ءَ زوراکی ءِ منع، عقیدہ ءِ آجوئی ءُ انسانیت ءِ احترام ءِ درس دیگ بیت ءُ اے درس اقلیت آنی رکھینگ ءِ بنیات اَنت۔ قائداعظم ءَ 11 اگست 1947 ءَ وتی گشتانک ءَ اے گپ پدر کتگ کہ پاکستان ءِ تہا ہر مردم ءِ بستار یک پیم اِنت۔ پاکستان ءِ آئین ءَ اقلیتانی بنیادی حق ضمانت داتگ انت۔ محسن نقوی ءَ گوشت کہ پاکستان ءِ توامیں اقلیت راجی دیمروئی ءِ تہ ءَ شرپ ءُ شرپ ءُ برابری ءُ شریکداری ءِ گوما بھر زوری بہ کن انت۔ ما ملک ءِ تہا شریک ءُ فخر مندیں شریک ایں ۔ اقلیتاں وانگ ءُ زانگ، جان سلامتی، دفاع، سیاست ءَ ھوار ہر پڑ ءَ مثالی ھزمت کتگ کہ اے ستا کرز اِیت۔ اقلیتانی کرد پاکستان ءِ راجی میراث ءِ یک درپشناکیں بابے ۔ وطن دوستی، خدمت و کردار قومی پجار ءِ معیار انت۔ پاکستان ءُ پاکستانی درک ءُ درک ءِ سرا باور نہ کن اَنت۔ آئی ءَ گوشت کہ ریاست مدام اقلیت آنی جان ءُ مال ءِ رکھینگ ءَ را اولی ترجی دنت ءُ مقدسیں جاھ آنی رکھینگ ءَ را اولی ترجی دنت۔ عبادت جاہانی نوک کنگ بہ بیت یا مراگشانی ایمنی، ریاست مدام وتی ذمہ واری ءَ پیلو کنت۔ کرتار پور راہداری ءُ نانکانہ صاحب ءَ جنگی جاوراں ہم پچ ءُ ایمن دارگ پاکستان ءِ امن، مہر ءُ بین مذاہب یکوئی ءِ عملی ثبوت انت۔ پاکستان اقلیتاں وتی سرجمیں حقاں دنت پرچا کہ آ ریاست ءِ برابریں وارث اَنت۔ مئے پالیسی، نیت ءُ عمل یک اَنت۔ اقلیتانی رکھینگ، آجوئی ءُ شریکداری ءِ سرا ہچ وڑیں مصالحت نہ بیت۔ اقلیتانی راجی روچ ءَ ما یک راجے ءِ بستار ءَ اقلیتانی بنیاتی حقانی رکھینگ ءِ وتی جزم ءَ پدا پدر کنیں۔