ریلوے ءِ وفاقی وزیر محمد حنیف عباسی ءَ ملک ءِ دیمروئی ءِ تہا عیسائی، ہندو، سکھ، پارسی ءُ کلاش کمیونٹی ءِ کرد   بے درور بوتگ

اسلام آباد۔11اگست  (اے پی پی): ریلوے ءِ وفاقی وزیر محمد حنیف عباسی ءَ گوشت کہ پاکستان ءِ دیمروئی ءَ عیسائی، ہندو، سکھ، پارسی ءُ کلاش کمیونٹی آنی کرد ناقابل فراموش بوتگ۔ قائداعظم ءَ 11 اگست 1947 ءَ آئین سازیں اسمبلی ءَ وتی تاریخی گشتانک ءَ درستیں شہریاں مذہبی آجوئی، برابری ءُ ایمنی ءِ یقین داتگ ات۔ریلوے ءِ اقلیت ءِ کارمند ملک ءِ خدمت ءِ تہا یک روشنیں بابے انت۔ اے ھیالانی درشانی آئی ءَ دوشمبے ءِ روچ ءَ راجی اقلیت آنی روچ ءِ درگت ءَ وتی کلوہ ءِ تہ ءَ کت۔ ریلوے ءِ وزیر ءَ گوشت کہ قائد اعظم ءَ 11اگست 1947 ءَ آئین ساز اسمبلی ءَ وتی راجدپتری گشتانک ءَ سرجمیں شہری آناں مذہبی آجوئی، برابری ءُ ایمنی ءِ دل یکیمی داتگ ات۔پاکستان ءِ دیمروئی ءِ تہ ءَ عیسائی، ہندو، سکھ، پارسی ءُ کلاش کمیونٹیز ءِ کرد ناقابل فراموش بوتگ۔ پاکستان ءِ ہر شہری برابر ءِ حق ءُ سرجمیں ایمنی ءِ چست انت۔ آئی ءَ گوشت کہ بین المذاہب یکوئی راجی یکوئی ءِ ضمانت اِنت، پاکستان ءِ حکومت اقلیتی کمیونٹی ءِ ورنا آناں روزگار ءُ دیمروئی ءِ واستہ برابر موہ پجاری کنگ ءَ اِنت، پاکستان ءِ راستیں مھکم ایشی ءِ جتائی ءُ الس ءِ وت مہ وتی دوستی اِنت۔ وفاقی وزیر ءَ گوشت کہ اقلیت آنی راجی روچ پاکستانی آئین ءِ روح ءُ قائداعظم ءِ واب ءِ یات اِنت، حکومت اقلیت ءِ کارمند آنی واستہ تربیت، دیمروئی ءُ وشھالی منصوبگ آنی سر ءَ کار کنگ ءَ اِنت، ریلوے ءِ اقلیت ءِ کارمند ملک ءِ ھزمت ءِ تہ ءَ یک رژنائیں بابے اَنت ءُ پاکستان ءَ را موہ رس اِیت۔ ریلوے ءِ سرا۔ حنیف عباسی ءَ گوشت کہ پاکستان ریلوے نا ایوک ءَ دوری ءَ را کم کنت بلکینگ ءَ دل آنی دوری ءَ را ھم کم کنت، درست آنی کمک ءُ مذہب ءَ چہ ابید درست آنی دیمروئی پاکستان ءِ گہبودی انت۔ آئی ءَ گوشت کہ ڈائیورسٹی ءِ تہ ءَ یکوئی پاکستان ءِ اصل طاقت انت، ما قائداعظم ءِ وژن ءَ را حقیقت جوڑ کن ایں ۔