صدر ءِ مملکت ءِ گلگت ءِ زمین چنڈ ءِ سانحہ ءِ سر ءِ دلپدردی ءِ درشانی

اسلام آباد۔11اگست  (اے پی پی):صدر ءِ مملکت آصف علی زرداری ءَ گلگت ءِ زمین چنڈ ءِ وئیل ءِ سر ءَ سک باز رنج ءُ گم ءِ درشان کتگ ءُ بیران بوتگیں رضاکار آنی کھول ءِ گوما دل ءِ تہ ءَ ھمدردی ءُ دلپدردی ءِ درشان کتگ۔ دوشمبے ءِ روچ ءَ صدر ءِ ایوان ءِ پریس ونگ ءَ چہ جاڑی بوتگیں بیان ءِ تہ ءَ صدر آصف علی زرداری ءَ گوشت کہ انسانیت ءِ واستہ وتی سر ندر کرتگیں رضاکار آناں شرپ مند آں ۔ صدر ءَ گوشت کہ اے سانحہ ءِ تہ ءَ گران بھائیں جانی بیرانی ءِ سر ءَ سرجمیں راج غم ءِ آماچ اِنت ءُ آئی ءَ ٹپیگیں رضاکار آنی زوت جان سلامتی ءِ واستہ ھم دعا کتگ۔