مزن وزیر شہباز شریف ءَ ترکیہ ءَ زمین چنڈ ءِ سرا غم ءُ اندوہ ءِ درشانی

اسلام آباد۔11اگست  (اے پی پی):مزن وزیر محمد شہباز شریف ءَ ترکیہ ءِ زمین چنڈ ءِ سرا غم ءُ رنجانی درشان کتگ ءُ گشتگ کہ اے مشکل ءِ ساھت ءَ پاکستان ترکیہ ءَ را ھمک وڑیں کمک ءِ پجارینگ ءَ تیار انت۔ دو شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر شہباز شریف ءَ گوشت کہ ترکیہ ءِ صوبہ بالکسر ءَ بوتگیں زمین چنڈ ءَ چہ منی دل سک دلپدرد اِنت۔ مئے دراھیں دعا ءُ ھمدردی گوں بیران بوتگیں مردماں اِنت ءُ ما اے سانحہ ءِ تہ ءَ وتی ترک برات ءُ گہارانی سلامتی ءُ زوتیں جان سلامتی ءِ دعا لوٹیں۔ مزن وزیر ءَ گوشت کہ اے قدرتی آفت ءِ سر ءَ وتی برات ترکیہ ءِ صدر رجب طیب اردوان ءَ گوں دلپدردی ءِ درشان ءَ کناں۔ پاکستان اے گرانیں ساھت ءَ ترکیہ ءِ ھر وڑیں کمک ءِ واستہ تیار اِنت۔