11اگست اقلیتانی حق ءُ راجی ہم آہنگی ءِ رکھینگ ءِ جزم ءِ نوک کنگ ءِ روچ اِنت، اے مارا قائداعظم ءِ وژن ءِ یات ءَ دنت کہ ایشی ءِ تہا ھمک شھمکی ءَ را برابری ءُ یکے دومی ءِ احترام ءِ حق است، صدر آصف علی زرداری ءِ کلوہ

اسلام آباد۔11اگست  (اے پی پی):صدر آصف علی زرداری ءَ گوشت کہ مرچی اقلیت آنی ھک ءُ راجی ھمگرنچی ءِ رکھینگ ءِ جزم ءِ نوک کنگ ءِ روچ اِنت، اے روچ مارا قائداعظم ءِ وژن ءِ یات ءَ دنت کہ ایشی ءِ تہ ءَ ھمک شھمکی ءَ را برابری ءُ وت مہ وتی شرپ ءُ شرپ ءِ ھک است اِنت۔ صدر ءِ مملکت ءَ اقلیت آنی روچ ءِ موہ ءَ یک ھاسیں کلوہ ءِ تہ ءَ گوشت کہ ما اقلیت آنی کمیونٹی آنی ھزمت آناں شرپ دیان آں، اقلیت آناں سلاہ بندیں اُرد، عدلیہ، سول سروسز، وانگ ءُ زانگ ءُ جان سلامتی ءِ شوبگ آنی تہ ءَ جوانیں ھزمت کتگ، آوانی راج دوستی ءُ ھزمت سرجمیں راج ءِ واستہ فخر ءِ وسیلگ اَنت۔ آئی ءَ گوشت کہ پاکستان ءِ آئین ءَ توامیں شھمکی آناں بید ءِ دراجی ءَ یک وڑیں ھک آنی ضمانت داتگ ءُ آھانی سیاسی، اقتصادی، مذھبی، چاگردی ءُ دود ءُ ربیدگی ھک آنی سرجمی ءَ رکھینگ بوتگ ۔ صدر ءِ مملکت ءَ گوشت کہ حکومت ءَ اقلیت آنی گہبود ءُ توانمند کنگ ءِ واستہ عملی گامگیج کتگ، اقلیت آنی نودربر آناں اسکالرشپ ءُ مالی کمک پجاری کنگ بوھگ ءَ انت۔ صدر ءَ 2009 ءَ وتی اولی مدت ءِ وھد ءَ 11اگست ءَ اقلیت آنی روچ ءِ جار جتگ ات۔آئی ءَ گوشت کہ آ بین المذاہب گپ ءُ تران ءَ را دیم ءَ برگ ءُ راجی زند ءَ اقلیت آنی بامردیں بھر زوری ءَ را دل یکیمی کنگ ءَ آں ۔ صدر ءِ مملکت ءِ گوشت کہ آ اقلیت آناں با اختیار جوڑ کنگ، آھانی دیمروئی ءُ گہبود ءِ واستہ دیم ءِ کار کنگ ءِ آں۔ آئی ءِ گوشت کہ براتی ءُ وشھالی ءُ یکوئی ءِ وسیلگ ءِ یک وشھالیں پاکستان ءِ جوڑ کناں۔