اقلیت آتا شرف و رکھ ننا آئینی فرض و اخلاقی زمواری ءِ، رانامشہود احمد خان

اسلام آباد۔ 11 اگست (اے پی پی) چیئرمین پرائم منسٹر یوتھ پروگرام رانامشہود احمد خان پارے بین المذاہب ہم گرنچی ہی پائیدار و روشنا پاکستان نا بنداو ءِ۔ پرائم منسٹر یوتھ پروگرام غٹ مذہب و قوم تا ورناتے بریبری نا وارخواہی فراوان کیک۔ اقلیت آتا قومی دے اناوخت آ تینا خصوصی کلہو اٹی او پارے کہ پاکستان غٹ مذہب، رنگ و قوم تا اسیجا وطن ءِ۔ اقلیت آتا شرف و رکھ ننا آئینی فرض و اخلاقی زموار یءِ۔ نن اقلیت آتا خذمت آتے سلام پیش کینہ و اوفتے تون ہم کوپہ سلوک اُن، پاکستان نا جوڑ کننگ اٹ اقلیت آتا قربانی و خذمت آتے مدام یات تخنگک، یوم ءِ اقلیت ننے قائد اعظم نا یکجہتی و بریبری نا اصول آتا یات دہانی کرفک۔ رانا مشہود احمد خان پارے کہ ورناتا شونداری ، مذہبی و نسلی پرخ آن ایڑترمرسا ممکن ءِ، بین المذاہب ہم گرنچی ہی پائیدار و روشنا پاکستان نا بنداو ءِ، اقلیت آتیان بیدس پاکستان نا قومی وجود بے پورو ءِ۔ اوپارے کہ پاکستان اٹی ہرشاری ءِ بریبرو تین پہ تینی شرف نا حق دوئی ءِ، پرائم منسٹر یوتھ پروگرام غٹ مذہب وقوم تا ورناتے بریبری نا وارخواہی فراوان کیک، پرائم منسٹر یوتھ پروگرام بے پرخ پاکستان نا ہرورنانا توار ءِ، چائے اونا تعلق ہراکہ مذہب آن ہم ارے۔