اسلام آباد۔ 11 اگست (اے پی پی) بنجائی وزیر خزانہ ومحصولات سینیٹر محمد اورنگزیب تون پاکستان اٹی ترکمانستان نا سفیر اتاجان موولاموف دوشنبے نادے آوزارت خزانہ ٹی اوڑدہی کرے۔ وزارت خزانہ نا کنڈآن جاری بیان نا رداٹ اوڑدہی ٹی ہڑتوم آ کنڈآتا است خواہی نا امور آ گپ وتران کننگا، خاص وڑاٹ واپار، کاروبار و زرکاری نا مون آ دننگ آ چکار ئس۔ سینیٹر محمد اورنگزیب ترکمانستان کون آ …
بنجائی وزیر خزانہ محمد اورنگزیب تون ترکمانستان نا سفیر نا اوڑدہی ، واپار ، کاروبار و زرکاری ءِ مون آ دننگ آ گپ وتران
گیشتریں ھال
اسلام آباد۔ 11 اگست (اے پی پی) بنجائی وزیر خزانہ ومحصولات سینیٹر محمد اورنگزیب تون پاکستان اٹی ترکمانستان نا سفیر اتاجان موولاموف دوشنبے نادے آوزارت خزانہ ٹی اوڑدہی کرے۔ وزارت خزانہ نا کنڈآن جاری بیان نا رداٹ اوڑدہی ٹی ہڑتوم آ کنڈآتا است خواہی نا امور آ گپ وتران کننگا، خاص وڑاٹ واپار، کاروبار و زرکاری نا مون آ دننگ آ چکار ئس۔ سینیٹر محمد اورنگزیب ترکمانستان کون آ ایلم ملک اتون تعلقداری ءِ پین سوگو کننگ کن پاکستان نا پکا عزم انا درشانی ءِ کرے وپارے کہ تدوک آ سال اٹی ہڑتوم آ ملک آتا نیام اٹ چندی بڑزکو کہولی وزارتی دورہ مسنے۔ اتاجان موولاموف پاکستان ءِ ترکمانستان نا واپار و زرکاری نا اسہ اہم ءُ شریدار و ہڑتوم آ کنڈآتا و جہانی واپار کن اسہ اہم ءُ راہداری اس گوندسا دا شریداری ءِ ترکمانستان نا خصوصی اولیت گوندا۔ اوڑدہی ٹی توانائی، ٹرانسپورٹ و تعمیرات نا بشخ آتیٹی اسیجائی ڈٹ جات و کمکاری نا وارخواہی تیا ہم گپ وتران مس۔ ترکمانستان نا وزیر خزانہ و زرگزران مامت گلی آستانا گلوف نا کنڈآن سفیر اتاجان موولاموف سینیٹر محمد اورنگزیب ءِ ترکمانستان انویسٹمنٹ فورم اٹی بشخ ہلنگ نا سلہ خلک۔ دافورم ستمبرنا نیام اٹی اشک آباد اٹی اڈ ہلیک و دا دود ترکمانستان نا آجوئی نا 34 می سال دے نا دود آتون گنڈوک مریک۔
