وزیراعظم شہباز شریف نا ترکیہ ٹی زمی جمب آ ڈکھیائی و است ہسونی نا درشان

اسلام آباد۔ 11 اگست (اے پی پی) وزیراعظم محمد شہباز شریف ترکیہ ٹی زمی جمب آ ڈکھیائی و است ہسونی نا درشانی ءِ کرساپارینے کہ پاکستان مشکل نا داساہت اٹی ترکیہ نا ہروڑنا کمک کن تیار ءِ۔ دوشنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم شہباز شریف پارے کہ ترکیہ نا صوبہ بالکسر اٹی زمی جمب آ اونا است غمزدہ ءِ، ننا غٹ تر دعاک و ہمدردیک زہمی تتون ءُ، و نن تینا ترک ایڑھ ایلم تا دا سانحہ ٹی رکھ و زوت دراخ جوڑی کن دعا کینہ۔ وزیراعظم پارے کہ او تینا ایلم ترک صدر رجب طیب ایردوان تون است انا ہب اٹ دا قدرتی سانحہ غا است ہسونی و ہمدردی نا درشانی ءِ کیک، پاکستان ترکیہ نا دامشکل ساہت اٹی ہروڑنا کمک کن تیار ءِ۔