زیر آب دودوربیدہ ئی میرات آک پاکستان نا قومی شناخت نا اہم ءُ بشخ اسے ءُ، بنجائی وزیر بحری امور

اسلام آباد۔ 11 اگست (اے پی پی) بنجائی وزیر بحری امور جنید انوار چوہدری پارینے کہ زیر آب دودوربیدہ ئی میرات آک پاکستان نا قومی شناخت نا اہم ءُ بشخ اسے ءُ، زیر آب میرات آتا ڈیجیٹل میپنگ نا ڈٹ انا بناءِ کننگک۔ تینا اسہ بیان اسے ٹی بنجائی وزیرپارے کہ یونیسکو نا نمائندہ ڈاکٹر کرسٹینا تون اوڑدہی ٹی پاکستان نا زیر آب آثارقدیمہ نا رکھ اکن جوان ءُ حکمت عملی اس مرتب کننگ نا ڈٹ اس تیارکرینے، پاکستان 2001 نا یونیسکو کنونشن توثیق کروک آ اولیکو سویلی ایشیائی ملک اس جوڑمریک۔ تینا بیان اٹی اومستی پارے کہ یونیسکو نا شریداری اٹ بحری دودوربیدہ ئی میرات نا رکھ ءِ پک کینہ، زیر آب دودوربیدہ نا رکھ چاگڑدی بدلی نا برخلاف جہانی جہد نا بشخ ءِ۔ پاکستان نا سمندری تاریخی میرات دنیا نا مون آ تالان کینہ، کراچی نا 70 سال انا متکن آ بندرگاہی ماڑی تے جہانی دودوربیدہ ئی میرات اس گوندنگ نا ہم سلاہ ءِ، اوپارے پاکستان اٹی جہانی آب انا میری ٹائم میوزیم اس جوڑ کننگک، آثارقدیمہ نا پٹنگ اٹی سمندری چاگڑدی نظام نا رکھ ءِ کینہ، یونیسکو نا کمک اٹ زیر آب میرات آتا ڈیجیٹل میپنگ نا ڈٹ اسے نا بناءِ کننگک۔ یونیسکو نا نمائندہ پاکستان اٹی سمندری میرات آتا رکھ اکن سائنسی و تکنیکی کمکاری فراوان کننگ نا باوری کرفینے۔