وزارت مذہبی امور پک مروک 26 عمرہ کمپنی تا لڑ ءِ جاری کرے، عمرہ نا  خواہندار بندغ آک پک مروک کمپنی تیان ہی بکنگ کرفر، ترجمان

اسلام آباد۔ 11 اگست (اے پی پی) وزارت مذہبی امور عمرہ نا است خواہی تخوک آ بندغ آتے پارینے کہ ہرفریشانی آن بچنگ کن بیرہ وزارت آن پک مروک عمرہ کمپنی تیان بکنگ کرفر  ۔ دوشنبے نادے آ وزارت نا ترجمان نا رداٹ وزارت مذہبی امور 26 عمرہ کمپنی تامعاہدہ غاتا پک کننگ آن پد لڑ ءِ تینا ویب سائٹ آ جاری کرینے۔ دا 26 کمپنی تیٹی اسلام آباد، کراچی، راولپنڈی، لاہور و ساہیوال عمرہ ٹریول آپریٹر اوار ءُ ہرافتے تون مروک آمعاہدہ غاتا وزارت پک کننگ نا عمل ءِ پورو کرسا لڑ ء ِ جاری کرینے۔ وزارت مذہبی امور نا ترجمان الس آن خواست کرینے کہ ہرفریشانی آن بچنگ کن بیرہ وزارت نا پک مروک عمرہ کمپنی تیان بکنگ نا عمل ءِ پورو کرفر۔