ملکی شونداری ٹی مسیحی ، ہندو ، سکھ پارسی و کالاش برادری نا بھلو کڑد اس مسنے، بنجائی وزیر ریلوائی محمد حنیف عباسی

اسلام آباد۔ 11 اگست (اے پی پی) بنجائی وزیر ریلوائی محمد حنیف عباسی پارینے کہ پاکستان نا شونداری ٹی مسیحی ، ہندو، سکھ ، پارسی و کالاش برادری نا بھلو کڑد اس مسنے، قائد اعظم 11 اگست 1947 اٹی دستور سازا سمبلی آن تاریخی تران اٹی غٹ شاری تے مذہبی آجوئی، بریبری و رکھ انا یقین دہانی کرفیسس ، ریلوائی نا اقلیتی ملازم آک ملک انا خذمت نا روشنا ءُ بشخ اسے ءُ۔ داخیال آتا درشانی ءِ او دوشنبے نادے آ اقلیت آتا قومی دے انا وخت آ تینا کلہو اٹی کرے۔ وزیر ریلوائی پارے کہ قائد اعظم 11 اگست 1947اٹی دستور ساز اسمبلی آن تاریخی تران اٹی غٹ شاری تے مذہبی آجوئی، بریبری و رکھ انا یقین دہانی کرفیسس، پاکستان نا شونداری ٹی مسیحی، ہندو، سکھ، پارسی و کالاش برادری نا بھلو کڑد اس مسنے، پاکستان اٹی ہرشاری ءِ بریبرنا حق و پورو رکھ دوئی ءِ۔ اوپارے کہ بین المذاہب ہم گرنچی ہی قومی یکجہتی نا ضمانت ءِ، حکومت پاکستان اقلیتی برادری نا ورناتے روزگار و شونداری نا بریبروارخواہی تننگ ءِ، پاکستان نا اصل واک اونا تنوع و الس نا تین پہ تینی مہرومریبت ءِ۔ بنجائی وزیرپارے کہ اقلیت آتا قومی دے پاکستانی آئین نا روح و قائد اعظم نا تغ انا یات دہانی ءِ، حکومت اقلیتی ملازم آتیکن تربیت، شونداری و آسودہی ڈٹ آتا کاریم کننگ ءِ، ریلوائی نا اقلیتی ملازم آک ملک انا خذمت نا روشناءُ بشخ اسے ءُ، پاکستان ریلوائی ٹی غٹ ءِ اسہ وڑ عزت، وارخواہی و رکھ دوئی ءِ۔ حنیف عباسی پارے کہ پاکستان ریلوائی مسافت ہی آخا است آتا ہم فاصلہ ءِ کم کیک، مذہب آن ایڑتر مرسا غٹ اتون اوار و غٹ اناشونداری ہندا پاکستان نا آسودہی ءِ۔ اوپارے کہ تنوع ٹی سیوت ہی پاکستان نا اصل واک ءِ، قائد اعظم نا وژن ءِ حقیقت جوڑ کینہ۔