اسلام آباد۔10اگست (اے پی پی):نائب مزن وزیر ءُ درئی کارانی وزیر سینیٹر محمد اسحاق دار ءَ گوستگیں شپ ءَ ترکی ءِ درئی کارانی وزیر ھاکان فدان ءَ گوں رابطہ کتگ۔ دوئیں راہشون آں پاک ءُ ترکی ءِ دو نیمگی کمک ءِ سرا چار ءُ تپاسی کتگ ءُ استیں دمگی ءُ میاں اوستمانی دیمروئی ءِ سرا ہم گپ ءُ تران کتگ۔ دری کارانی کارگس ءِ جارکش ءِ رد ءَ گپ …
نائب مزن وزیر ءُ دری کارانی وزیر اسحاق ڈار ءَ ترکی ءِ درئی کارانی وزیر ءَ گوں رابطہ کتگ، دمگی ءُ میاں اوستمانی جاورانی بابت ءَ گپ ءُ تران کتگ
گیشتریں ھال
اسلام آباد۔10اگست (اے پی پی):نائب مزن وزیر ءُ درئی کارانی وزیر سینیٹر محمد اسحاق دار ءَ گوستگیں شپ ءَ ترکی ءِ درئی کارانی وزیر ھاکان فدان ءَ گوں رابطہ کتگ۔ دوئیں راہشون آں پاک ءُ ترکی ءِ دو نیمگی کمک ءِ سرا چار ءُ تپاسی کتگ ءُ استیں دمگی ءُ میاں اوستمانی دیمروئی ءِ سرا ہم گپ ءُ تران کتگ۔ دری کارانی کارگس ءِ جارکش ءِ رد ءَ گپ ءُ تران ءِ ساھت ءَ غزہ ءِ ھرابیں انسانی جاور ھال آنی سر ءَ ھم دلجمی ءِ درشانی کنگ بوتگ۔ نائب مزن وزیر ءُ درئی کارانی وزیر ءَ اسرائیل ءِ سرجمیں فوجی قبضہ ءِ منصوبگ ءِ مذمت کتگ ءُ اے منصوبگ ءَ را میاں اوستمانی کانود ءُ اقوام متحدہ ءِ سلامتی کونسل ءِ قرارداد آنی ھاسیں ھلاپ ورزی لیک اتگ۔ آئی ءَ غزہ ءِ نندوکیں مردماں بے رکاوٹیں انسانی کمک ءِ زوتیں ضلورت ءِ سر ءَ ھم زور پر دات ءُ اسرائیل ءِ جرم ءِ احتساب ءَ چہ یلوئی ءِ ھلاس کنگ ءِ ضلورت ءِ سر ءَ ھم زور پر دات۔
