چیف آف آرمی اسٹاف فیلڈ مارشل سید عاصم منیر ءَ امریکی مزنیں سیاسی ءُ فوجی سروکی ءَ گوں گند ءُ نند کتگ، دو نیمگی پیشہ وارانہ مفاد ءِ جیڈھ آنی سر ءَ گپ ءُ تران کتگ، آئی ایس پی آر

ٹمپا (امریکا)۔10اگست  (اے پی پی):راولپنڈی، چیف آف آرمی اسٹاف فیلڈ مارشل سید عاصم منیر ءَ امریکی مزنیں سیاسی ءُ فوجی سروکی ءَ گوں گند ءُ نند ءِ ساھت ءَ دو نیمگی پیشہ وارانہ دلچسپی ءِ جیڈھ آنی سر ءَ گپ ءُ تران کتگ۔ یک شمبے ءِ روچ ءَ آئی ایس پی آر ءِ نیمگ ءَ جاڑی بوتگیں بیان ءِ رد ءَ چیف آف آرمی اسٹاف فیلڈ مارشل سید عاصم منیر ءَ وتی سرکاری تر ءُ تاب ءِ وھد ءَ امریکہ ءِ مزنیں سیاسی ءُ فوجی سروکی ءِ ھواری ءَ پاکستانی ڈائسپورا ءِ گوما گپ ءُ تران کتگ۔ ٹامپا ءَ فیلڈ مارشل ءَ چہ وتی اگدہ ءَ درکپوکیں کمانڈر امریکہ ءِ سینٹرل کمانڈ (سینٹ کام) جنرل مائیکل ای کورلا ءِ ریٹائرمنٹ ءِ مراگش ءُ ایڈمرل بریڈ کوپر ءِ کمانڈ ءِ زمہ واری ءِ سرا زورگ ءِ مراگش ءَ بہر زرتگ۔ آرمی چیف ءَ جنرل کورلا ءِ مثالی قیادت ءُ دو نیمگی فوجی کمک ءَ را مھکم کنگ ءِ تہ ءَ آئی ءِ مثالی کرد ءِ توسیپ کت ءُ یکجائی سیکورٹی چیلنج آناں گیواری ءِ واستہ برجاھیں کمک ءِ اُمیت ءِ درشان کت۔ اعتماد ءِ درشان کنان ءَ آئی ءَ ایڈمرل کوپر ءَ را وتی نیکیں واھگ آنی درشانی کت۔ فیلڈ مارشل ءَ چیئرمین جوائنٹ چیفس آف اسٹاف جنرل ڈین کین ءَ گوں ھم گند ءُ نند کتگ ءُ وت مہ وتی پیشہ وارانہ دلچسپی ءِ جیڈھ آنی سر ءَ گپ ءُ تران کتگ۔ آئی ءَ جنرل کین ءَ را پاکستان ءِ تر ءُ تاب ءِ دعوت دات۔ اے موہ ءِ سر ءَ آرمی چیف ءَ دوستیں ملک آنی دفاعی سروک آنی گوما گپ ءُ تران کت۔ پاکستانی ڈائسپورا ءِ گوما یک انٹرایکٹو سیشن ءِ ساھت ءَ آرمی چیف ءَ پاکستان ءِ وشیں آیوکیں وھد ءِ سر ءَ ایمان دارگ ءُ پاکستان ءَ سرمایہ کاری ءِ دلبڈی ءِ تہ ءَ سرگرمیں رنگ ءَ بھر زوری کنگ ءِ سر ءَ زور پر دات۔ ڈائسپورا ءَ پاکستان ءِ دیمروئی ءُ وشھالی ءِ ھاترا وتی عزم ءِ پدا پدر کت۔\932