شاہ عبداللطیف بھٹائی ءِ 282 اُرس ءِ مراگش، صوبائی وزیراں ھوار ھاسیں شخصیتانی بھر زوری

حیدرآباد۔ 10 اگست (اے پی پی):حضرت شاہ عبداللطیف بھٹائی ءِ 282می سالی عرس ءِ موہ ءَ ملاکھارا، سنگر کچھاری، لبزانکی دیوان ءُ موسیقی ءِ میلہ ءَ ھوار دگہ مراگش برجاہ انت۔ اُرس ءِ اولی روچ ءَ شاہ عبداللطیف آڈیٹوریم بھیت شاہ ءَ یک مزنیں موسیقی ءِ میلہ ءِ برجم دارگ بوت۔ مراگش ءَ صوبائی وزیر آبپاشی جام خان شورو، دود ءُ ربیدگ ءُ سیل ءُ سواد ءِ وزیر سید ذوالفقار شاہ، بنجاہی وزیر ءِ محکمہ خوراک ءِ ھاسیں کمکار جبر خان، ڈویژنل کمشنر حیدرآباد دجوپوت فیاض حسین عباسی، ڈی آئی جی پولیس حیدرحاد ءِ شریک بوتگ انت۔ ماتیاری محمد یوسف شیخ، ایس ایس پی ماتیاری اعجاز میمن ءُ مزنیں کساسے ءَ سرکاری کارندہ ءُ الس ءَ چہ ھوار بوت۔ سئے روچی اُرس ءِ مراگشانی تہ ءَ ھر شپ ءَ یک میوزک فیسٹیولے برجم دارگ بیت کہ ایشی ءِ تہ ءَ نزیک ءَ 300 گشندہ ءُ گشندہ وتی توانائی ءِ درشان ءَ کن اَنت۔ اُرس ءِ گُڈّی روچ ءَ جوانیں گشندہ گچین کنگ ءُ "لطیف داد” دیگ بیت۔ اولی روچ ءِ مراگش ءَ استاد شفیع محمد فقیر، شمن علی میرالی، ماسٹر ولی احمد مغل، سانول مارول ءَ ھوار جتا جتائیں ازمکاراں وتی ازم ءِ درشان ءَ جوانیں رنگے ءَ پیش داشتگ ءُ ناظرین ءِ نیمگ ءَ چہ مزنیں داد ءُ ستا رستگ۔