مزن وزیر شہباز شریف ڈاکٹر روتھ فاؤ ءَ را  توسیپ ءُ ستا پیش کتگ

اسلام آباد۔10اگست  (اے پی پی):  مزن وزیر محمد شہباز شریف ءَ ڈاکٹر روت پفاو ءِ بیرانی ءِ سالروچ ءِ درگت ءَ آئی ءَ را یات کنان ءَ گوشت کہ ڈاکٹر روت پفاو ءَ وتی زند ءِ ھمک ساھت پاکستان ءِ گریب ءُ محرومیں تبک ءِ ھزمت ءَ گوازینتگ۔ آئی ءَ بے وس ءُ بے وسیں مھر ءُ انسانیت ءِ ھزمت ءِ یک انچیں مثالے دیم ءَ آؤرتگ کہ آ مدام یات کنگ بیت۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ تہ ءَ مزن وزیر ءَ گوشت کہ کوڑھ ءِ نادراھ آنی علاج ءُ آھاں چاگرد ءِ تہ ءَ شرپداریں جاھ ءِ دیگ ءِ واستہ ڈاکٹر روتھ فاؤ ءِ بے مٹیں کوشست مئے راجی راجدپتر ءِ یک رژنائیں باب اِنت۔ قوم آئی ءِ ھزمتاں مدام گوں شان ءَ یات کنت۔ ڈاکٹر روت فاؤ ءِ ماموریت مئے واستہ خدمت، شفقت ءُ انسانیت ءِ کلوہ اِنت۔