مزن وزیر شہباز شریف ءَ سیلاب ءَ چہ آماچیں بلوچستان ءِ دوریں دمگ ءِ نودربر اکرام اللہ کاکڑ ءَ گوں گند ءُ نند کتگ

اسلام آباد۔10اگست  (اے پی پی): مزن وزیر محمد شہباز شریف ءَ گشتگ کہ سیلاب ءَ چہ اکرام اللہ کاکڑ ءِ ھاندان سک باز تاوان بوتگ۔ 2022 ءَ قلعہ سیف اللہ ءِ تر ءُ تاب ءِ وھد ءَ آئی ءَ امدادی خیمہ ءِ تہا اکرام اللہ ءَ گوں گند ءُ نند کتگ۔ گند ءُ نند ءَ اکرام اللہ ءَ ہائیر ایجوکیشن ءِ واستہ وتی واھشت درشان کتگ ءُ وتی وانگ ءِ ھرچ ءُ درچانی برداشت کنگ ءِ جار جتگ۔ مرچی اے گندگ ءَ وش بیت کہ اکرام اللہ وتی مکسدانی دیم ءَ سک محنت کنگ ءَ انت۔ اے ھیالانی درشانی مزن وزیر محمد شہباز شریف ءَ یک شمبے ءِ روچ ءَ بلوچستان ءِ نودربر اکرام اللہ کاکڑ ءَ گوں گند ءُ نند ءَ کت اَنت۔ آئی ءَ اکرام اللہ ءَ را وش آتک کت۔ اے موہ ءِ سر ءَ اکرام اللہ ءَ گْوشتگ کہ گوستگیں رند ءَ من گوں شما یک پجّارے ءِ وعدہ کتگ اَت، من ھمے وعدہ پیلو کتگ ءُ من شمئے گند ءُ نند ءَ اتکگ آں. اے موہ ءِ سر ءَ مزن وزیر ءَ اکرام اللہ یات ءَ دات کہ گوستگیں دیوان ءَ آئی ءَ سیاہیں شلوار کمیز گوشگ ءَ ات ۔ من ءَ شری ءَ یات اِنت کہ اے روچ سک رژناہیں روچے اَت ءُ تو گُشتگ اَت کہ مئے دمگ ءَ وانگجاہ نیست، زھگاں پہ وانگ ءَ دیر سفر کنگی اِنت۔ من ءَ وانگ ءُ زانگ ءِ سک باز شوق اِنت۔ مزن وزیر ءَ گوشت کہ پدا من اکرام اللہ لارنس کالج ءَ آورت۔ آئی ءَ گوشت کہ گوستگیں روچ ءَ وھدے من اے ھال ونتگ کہ شما سیمی نمبر ءِ ھاترا وتی دست ءَ زرتگ گڑا من ءَ سک باز پھر ءِ احساس بوتگ۔ ایشی ءِ واستہ اکرام اللہ ءَ مزن وزیر ءِ شگر ءُ منت واری درشان کت۔ مزن وزیر محمد شہباز شریف ءَ گوشت کہ شمئے استاد ءُ مات ءُ پت آنی دعا ءُ شمئے محنت ءَ آسر داتگ۔ آئی ءَ گوشت کہ منی حیال ءَ اے مزنیں وشی ءِ گپ انت ایشی ءِ واستہ مارا اللہ تعالیٰ ءِ شکر انت ۔ نودربر اکرام اللہ ءَ مزن وزیر ءِ منت واری درشان کت ءُ گوشت کہ سیاست ءَ مردم ہرکس ءِ واستہ چیزے کنت بلے منی گوما تئی رویہ سیاست ءَ چہ ڈن ات، تو سکیں پدمنتگیں دمگ ءِ یک زہگے زرت ءُ آئی ءَ را لارنس کالج ءَ وانگ ءِ موہ دات۔ آئی ءَ گوشت کہ تو من ءَ ملک ءِ سکیں مزنیں وانگ ءُ زانگ ءِ ادارہ ءَ وانگ ءِ موہ دات۔ آئی ءَ گْوشت کہ مئے کالج ءِ اولی سئے نودربراں اسکالرشپ رسیت بلے من پیسلہ کت کہ من ءَ ڈبل اسکالرشپ رسیت۔ من پیسرا ھم اسکالرشپ ءِ سر ءَ وانگ ءَ اتاں ءُ ھُدا ءِ شُکر اِنت کہ من سک محنت کُت ءُ من ءَ اے اسکالرشپ رست۔ آئی ءَ گوشت کہ منی کامیابی ءِ سبب تئی انت۔ مزن وزیر محمد شہباز شریف ءَ نودربر ءَ گوں تران کنان ءَ گوشت کہ اے درست اللہ تعالیٰ ءِ فضل انت، آ انسان ءَ را وسیلہ جوڑ کنت، اللہ تعالیٰ من ءَ موہ دات ءُ من ءَ شمئے واستہ وسیلہ جوڑ کت۔ آئی ءَ گوشت کہ مرچی شما یک جوانیں ادارگ ءِ تہ ءَ وانگ ءَ اِت کہ اللہ تعالیٰ ءِ فضل ءُ کرم اِنت۔ تو سک محنت کتگ، اے کالج ءَ بازیں مزنیں نام ودی کتگ۔ اکرام اللہ ءَ گوشت کہ منی ملک منی سک باز مدیون انت ءُ من گیشاں چہ گیش محنت کناں ءُ ملک ءُ راج ءِ ازمت ءَ چہ گیش کناں۔ وھدے مزن وزیر ءَ باندات ءِ بابت ءَ جست کت گڈا اکرام اللہ ءَ گوشت کہ من سی ایس ایس کنگ لوٹاں ءُ انٹرمیڈیٹ ءَ سک محنت کنان ءَ درملک ءَ اسکالرشپ ءِ گرگ ءِ کوشست کناں پرچا کہ من ءَ کسانی ءَ چہ آکسفورڈ ءَ روگ ءِ شوق بوتگ۔ ان شا اللہ ملک ءُ قوم ءِ نام ءَ ناز کن آں ۔ آئی ءَ گوشت کہ من ھم تئی رندگیری آنی رندگیری ءِ کوشست کن آں پرچا کہ تو ھم ملک ءُ راج ءِ واستہ سک محنت کنگ ءَ ئے۔ ما درستیں نودربرانی واھگ اِنت کہ آؤکیں وھد ءَ مارا شمئے وڑیں رھشونے ءِ نعمت رس اِیت۔ مزن وزیر ءَ وھدے جست ءُ پرس کت گڈا اکرام اللہ ءَ گوشت کہ لیب ءُ گوازی ءِ ھواری ءَ من گشتانک ءِ مقابلہ آنی تہ ءَ ھم بھر زور آں ۔ اے موہ ءِ سر ءَ مزن وزیر محمد شہباز شریف ءَ نودربر اکرم اللہ ءَ را ھاسیں سوگات ھم دات ءُ گوشت کہ اے سوگات آیوکیں وھد ءَ تئی وانگ ءُ عملی زند ءَ کارآمد بیت۔ زانگ بہ بیت کہ بلوچستان ءِ دوریں دمگ ءِ نودربر اکرام اللہ کاکڑ مزن وزیر محمد شہباز شریف ءِ داتگیں اسکالرشپ ءِ سر ءَ لارنس کالج ءَ وانگ ءَ اِنت ءُ آئی ءَ میٹرک ءِ چکاس ءَ راولپنڈی بورڈ ءَ سیمی نمبر گپتگ کہ ایشی ءِ سر ءَ مزن وزیر ءَ 2018 ءَ یک میٹنگ ءِ چکاس ءَ کتگ ات۔ دیوان ءَ وفاقی وزیر اطلاعات ءُ شنگکاری عطا اللہ ترار، اکرام اللہ ءِ مات ءُ پت ءُ استاد ہم ھوار اتنت۔