وفاقی داخلہ ءِ وزیر محسن نقوی ءَ پاکستان ءُ اوگانستان ءِ سیمسر ءِ نزیک ءَ 14 فتنہ الهندستان ءِ ناشرکارانی کوش ءِ سبب ءَ سیکورٹی فورسز ءَ را خراج تحسین پیش کتگ

اسلام آباد۔9اگست  (اے پی پی): وفاقی تہی کارانی وزیر محسن نقوی ءَ پاک اوگانستان ءِ سیمسر ءِ نزیک ءَ سمبازہ ءَ دگہ 14 فتنہ الهندستان ناشرکار آنی کوش ءِ سر ءَ سیکورٹی فورسز ءَ را شگر ءُ منت گپت ءُ ناشرکار آنی ھلاپ ءَ سوبمندیں آپریشن ءِ واستہ فورسز ءِ پیشہ وارانہ توانائی آنی ستا کرتگ۔ وزارت داخلہ ءِ نیمگ ءَ چہ جاڑی بوتگیں بیان ءِ تہ ءَ محسن نقوی ءَ گوشت کہ فتنہ الهندستان ءِ ناشرکار آنی ھلاپ ءَ سیکورٹی فورسز ءِ سوبمندی آناں راج ستا ءِ گوما چاریت۔ سیکورٹی فورسز ءَ بلوچستان ءَ فتنہ ءِ شنگ کنگ ءَ ھواریں ھندی سرپرستی ءِ ناشرکاراں یک غمناکیں آسر ءِ سر ءَ سر کتگ ءُ وھد ءِ سر ءَ گامگیج زورگ ءَ 2 روچ ءِ تہ ءَ 47 ناشرکار کش اِتگ اَنت۔ وزیر داخلہ ءَ گوشت کہ سیکورٹی فورسز ءَ ترندیں گامگیج زورگ ءَ چہ بلوچستان ءَ امن ءِ تہ ءَ ھرابیں پندل ناکام کتگ۔ آئی ءَ گوشت کہ ما سیکورٹی فورسز ءَ را سلام پیش کن آں کہ آ فتنہ الهندستان ءِ ناشرکار آنی نا شریں ارادہ آناں ناکام کتگ۔ آئی ءَ گوشت کہ سرجمیں راج ھندی سرپرستی ءَ ناشرکار آنی سرجمیں ھلاسی ءِ واستہ سیکورٹی فورسز ءِ گوما اوشتاتگ۔