ڈی جی آئی ایس پی آر ءَ راولپنڈی میڈیکل یونیورسٹی ءَ نودربر آنی گوما ھاسیں دیوان برجم داشتگ، ورنا آں پاک سلاہ بندیں اُرد ءِ گوما یکوئی ءِ درشانی کتگ

اسلام آباد۔9اگست  (اے پی پی):  ڈی جی آئی ایس پی آر ءَ راولپنڈی میڈیکل یونیورسٹی ءَ نودربر آنی گوما ھاسیں دیوان ءِ برجم داشت۔ ڈی جی آئی ایس پی آر ءَ نودربراں گوں پدریں رنگ ءَ گپ ءُ تران کتگ وھدے کہ ھاسیں جُست ءُ پُرس ءِ دیوان ھم برجم دارگ بوتگ۔ نودربراں سیشن ءَ گوں گرمیں وش اتک کت ءُ وتی راجی جزبگ ءِ درشانی کت۔ نودربراں پاکستانی سلاہ بندیں اُرد ءِ گوما سرجمیں یکوئی ءِ جار جتگ ءُ وتی جزبگانی درشانی کتگ ءُ گوشتگ کہ اے وڑیں سیشن ءِ برجم دارگ وھد ءِ لوٹ اِنت۔ آہاں گوشت کہ قوم دژمن عناصر ہرچ وڑیں کوشست بہ کن انت بلے آ ورنائیں نسل ءَ را مئے سلاہ بندیں اُرد ءَ چہ دور داشت نہ کن انت، قوت مئے ہمراہ انت ءُ ما قوت ءِ ہمراہ انت۔ نودربراں گْوشتگ کہ ما پاکستان ءِ ھلاپ ءَ ھرچ بدیں چمّے کہ چست کنگ بیت آئی ءِ ھلاپ ءَ وتی سلاہ بندیں لشکر ءِ ھمراھی ءَ اوشتاتگیں ۔