سعودی سفیر نواف بن سعید المالکی ءَ مزن وزیر محمد شہباز شریف ءَ گوں گند ءُ نند کتگ، مزن وزیر ءَ ریاض ءَ برجم دارگ بوؤکیں 9می فیوچر انویسٹمنٹ انیشی ایٹو  فورم  ءَ بہر زورگ ءِ دعوت من اِتگ

اسلام آباد۔9اگست  (اے پی پی): مزن وزیر محمد شہباز شریف ءَ ریاض ءَ برجم دارگ بوھوکیں 9می فیوچر انویسٹمنٹ انیشیٹیو فورم ءَ بھر زوری ءِ دعوت منگ بوتگ۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ پاکستان ءَ سعودی سفیر نواف بن سعید المالکی ءَ مزن وزیر گس ءَ مزن وزیر شہباز شریف ءَ گوں گند ءُ نند کت۔ سعودی سفیر ءَ مزن وزیر ءَ را ولی عہد محمد بن سلمان بن عبدالعزیز السعود ءِ دستخط ءِ دعوت نامہ پیش کت کہ آ 27-30اکتوبر ءَ ریاض ءَ برجم دارگ بوھوکیں 9می آیوکیں سرمایہ کاری ءِ گامگیج فورم ءَ بھر زوری بہ کنت۔ مزن وزیر ءَ کانفرنس ءَ بہر زورگ ءِ دعوت ءِ منگ ءَ گوں ولی عہد محمد بن سلمان ءِ دعوت ءِ دیم دیگ ءِ پد ءَ دل ءِ جہلانکی ءَ چہ منت واری ءِ درشان کت۔ مزن وزیر ءَ دو شریک مسجد ءِ نگہبان شاہ سلمان بن عبدالعزیز السعود ءُ ولی عہد محمد بن سلمان ءِ نیکیں واھگ آنی درشان کت۔ گند ءُ نند ءَ دمگ ءِ انوگیں ردوم آنی سر ءَ ھم گپ ءُ تران کنگ بوت۔ گند ءُ نند ءَ نائب مزن وزیر ءُ دری کارانی وزیر اسحاق ڈار ءُ مزن وزیر ءِ مشیر طارق فاطمی ءُ ڈاکٹر توقیر شاہ ھم ساڑی بوتگ انت۔