پاکستان ءَ امریکی صدر ڈونلڈ جے ٹرمپ، مزن وزیر محمد شہباز شریف ءِ سرپرستی ءَ جمہوریہ آذربائیجان ءُ آرمینیا  ءِ نیام ءَ بوتگیں راجدپتری امن منوگری  ءِ وش آتک کنت

اسلام آباد۔9اگست  (اے پی پی): مزن وزیر محمد شہباز شریف ءَ گوشت کہ امریکی صدر ڈونلڈ ٹرمپ ءِ سرپرستی ءَ وائٹ ہاؤس ءِ سروک دیوان ءَ جمہوریہ آذربائیجان ءُ جمہوریہ آرمینیا  ءِ نیام ءَ بوتگیں راجدپتری امن منوگری  ءَ را پاکستان وش اتک کنت۔ اے راجدپتری دیمروئی ءِ سبب ءَ یک نوکیں دورے ءِ بندات اِنت کہ یک انچیں دمگے ءَ کہ دہائیاں چہ تنازعات ءُ انسانی رنج ءُ گماں چہ زھر اِنت۔ سوشل نیٹ ورکنگ ویب سائٹ ’ایکس‘ ءِ سر ءَ وتی پوسٹ ءِ تہ ءَ مزن وزیر ءَ گوشت کہ ما صدر الہام علیف ءُ آذربائیجان ءِ اُلس ءَ را اے راجدپتری منوگری  ءِ سر ءَ مبارک بات دئیں۔ اے راہ پہ وتی دمگ ءِ امنیں آیوکیں وھد ءَ زانت، دور اندیشی ءُ زانت ءِ درشان اِنت۔ آئی ءَ گوشت کہ پاکستان مدام آذربائیجان ءِ براتیں راج ءِ گوما ھمگام ءَ اوشتاتگ ءُ راجدپتر ءِ اے پھنات ءِ ساھت ءَ ما ھم آھانی گوما اوشتاتگ آں ۔ مزن وزیر محمد شہباز شریف ءَ گوشت کہ ما صدر ڈونلڈ ٹرمپ ءِ سروکی ءَ دوئیں نیمگ آناں یک دومی ءِ گوما نزیک کنگ ءُ یک انچیں تپاکی ءِ سر ءَ سر بوھگ ءِ واستہ آسراتی ءِ کرد ءَ را ھم ساڑاھگ ءَ آں کہ ایشی ءَ چہ بیپاری، رابطہ ءُ دمگی یکوئی ءِ نوکیں راہ پچ بنت۔ آئی ءَ اے اُمیت ھم درشان کت کہ اے یکے دومی ءِ گپ ءُ تران (گپ ءُ تران) ءِ تب ھم پہ دگہ دمگاں کہ دراجیں جیڑھانی آماچ اَنت، یک مثالے ثابت بیت۔