کاروباری برادری ءَ را دز لیکگ ءِ روایت ھلاس بوتگ، ریلوے ءِ  برجا  کنگ ءَ کاروباری برادری ءِ یک مزنیں کردے است انت، حنیف عباسی

فیصل آباد۔ 09 اگست (اے پی پی): ریلوے ءِ وفاقی وزیر محمد حنیف عباسی ءَ گوشت کہ کاروباری مردم آنی ھوار ہر دومی مردم ءَ را دز لیکگ ءِ روایت ھلاس بوتگ ءُ استیں حکومت کاروباری برات ءِ کمک ءَ پائیدار بنیات آنی سر ءَ معیشت جوڑ کنت۔ آئی ءَ اے گپ آدینگ ءِ روچ ءَ فیصل آباد چیمبر آف کامرس اینڈ انڈسٹری ءِ تر ءُ تاب ءِ موہ ءَ دیوان ءَ گوں گشتانک دیان ءَ کت۔ کاروباری برات ملکی معیشت ءِ ریڑھ ءِ ھڈ انت ءُ دری سرمایہ کاری ءِ واستہ بنجاہی سرمایہ کار آنی دلبڈی ءِ بحالی المی انت۔ محمد حنیف عباسی ءَ گوشت کہ آئی ءَ پاکستان ریلوے ءِ زندگ کنگ ءُ دیمروئی ءِ کار وتی دست ءَ زرتگ ءُ اے رد ءَ کسانیں ءُ دراج مدت ءِ منصوبگ آنی سر ءَ کار کنگ بندات کنگ بوتگ۔ آئی ءَ گوشت کہ فیصل آباد ریلوے اسٹیشن ءِ گریڈیشن ءِ واستہ یک ءُ نیم ماہ ءِ ڈیڈ لائن ھم داتگ۔ آئی ءَ گوشت کہ حکومت ءِ سنگینیں کوشست آنی آسر ءَ دگنیا ءِ تہ ءَ پاکستان ءِ شرپ گیش بوتگ ءُ چین، ملائیشیا ءُ آذربائیجان ءَ ھوار دگنیا ءِ توامیں ملک آنی تہ ءَ پاکستانی آناں شرپ ءُ شرپ ءِ گوما چارگ بیت۔ آئی ءَ گوشت کہ ھمک گرانیں وھد ءَ پاکستان ءِ دفاع ءُ گہتری ءِ واستہ پاک فوج ءَ بے دروریں قربانی داتگ ءُ مارا وتی فوج ءُ فوجی آنی سر ءَ پھر کنگ لوٹ ایت۔ یک جُستے ءِ پسو ءَ وفاقی وزیر ءَ گوشت کہ پنجاب ءَ ریلوے کراسنگ 436بے گیٹ انت۔ 150 کراسنگ آنی سر ءَ گیٹ ایر کنگ ءِ واستہ حکومت ءَ 9 ارب کلدار ایر کتگ ءُ اے منصوبگ سئے سال ءَ سرجم کنگ بیت۔ آئی ءَ گوشت کہ ما کاروباری برات ءِ شریکی ءَ گوں ریلوے ءَ را ملک ءِ منافع بخش ادارگ جوڑ کنگ لوٹ آں ءُ اے درگت ءَ برجمیں تجویز آنی ضلورت انت۔ آئی ءَ گوشت کہ کراچی ءَ چہ پد فیصل آباد ملک ءِ معیشت ءَ را چلائینگ ءَ ھاسیں کرد پیلو کنگ ءَ انت۔ فیصل آباد چیمبر ءِ درستیں لوٹ مرچیگیں تاریخ ءَ منظور کنگ بوتگ انت۔ پاکستان فیڈریشن آف کامرس اینڈ انڈسٹری ءُ فیصل آباد چیمبر آف کامرس اینڈ انڈسٹری ءِ پیسریگیں صدر میان محمد ایدریس ءَ مچی ءَ گوں تران کنان ءَ گوشت کہ ریلوے ءِ واکدار 10کلومیٹر ءِ ریڈیس ءِ تہ ءَ ریلوے ءِ سرجمیں آپریشنل جاگہ آناں دور بہ کن اَنت ءُ فیصل آباد ءِ غیر آپریشنل جائیداد آناں پجار بہ کن اَنت۔ فیصل آباد ءِ کاروباری براتی فیصل آباد ءِ حد ءَ تاں ریلوے ءِ بحالی ءُ دیمروئی ءِ واستہ ہر وڑیں کمک ءِ واستہ تیار انت۔ آئی ءَ ریلوے ءِ وفاقی وزیر ءِ عملی کوشست آناں ساڑات ءُ گوشت کہ آئی ءَ لاہور ریلوے اسٹیشن ءَ را انچیں رنگ ءَ دیمروئی داتگ کہ اے بالی پٹ ءِ ماڈل ءِ وڑ ءَ گندگ ءَ کیت۔ آئی ءَ گوشت کہ ھمک ادارگ ءِ سروک اگاں حنیف عباسی ءِ وڑ ءَ دلجمیں کوشست بہ کنت گڈا پاکستان ءِ دیمروئی ءُ وشھالی ءِ واب سک زوت سرجم بوت کنت۔ اے موہ ءِ سر ءَ فیصل آباد چیمبر ءِ صدر ریحان نسیم بھرارا ءَ گوشت کہ اے شہر سرکاری ٹیکس آنی ادائیگی ءَ سک باز کمک کنگ ءَ انت بلے چیا کہ فیصل آباد ءَ جوڑ بوتگیں برآمداتی چیز آنی کلیئرنس کراچی ءَ چہ انت مئے بھر بندر شہر ءِ اکاؤنٹ ءَ ایر کنگ بیت۔ آئی ءَ گوشت کہ دگنیا ءَ مال بردار ریل آنی تہ ءَ منافع ءِ واستہ مسافر ریل آناں سبسڈی دیگ بیت، پمیشکا پاکستان ءَ ھم مال بردار ریل آنی تہ ءَ گیشی ءَ چہ گیش ریونیو جم کنگ بوت کنت۔ آئی ءَ گوشت کہ فیصل آباد ءَ چہ شھدارہ ءُ فیصل آباد ءَ چہ خانیوال ءَ یکیں ٹریک انت۔ گاڑی ءِ تاخیر ءِ جیڑہاں دو رند ءَ جوڑ کنگ ءَ چہ گیش ءُ گیوار کنگ بیت۔ آئی ءَ لوٹ کرتگ کہ فیصل آباد ءَ چہ کراچی ءَ بار باری ریل ءَ را بے دیر کنگ بہ بیت ءُ آئی ءَ گشتگ کہ لھتیں ماہ پیسر سندھ ءَ زھرشانی ءِ سبب ءَ مین شاہراہ ءِ بند بوھگ ءِ سبب ءَ سرکار ءُ سوداگراں ارباں کلدار برداشت کنگی بوتگ۔ پمیشکا نوکیں مال برداریں ٹرینانی چلائینگ ءَ ابید استیں مسافر ٹرینانی تہ ءَ سامان ءِ کوچ آنی کساس ھم گیش کنگ بہ بیت۔ آئی ءَ گوشت کہ مزن وزیر شہباز شریف ءَ لھتیں روچ پیسر لاہور ءَ چہ کراچی ءَ جھان ءِ تک ءِ بزنس ٹرین ءِ بنگیج کت۔ دمگی کاروباری برادری ءِ آسراتی ءِ ھاتر ءَ فیصل آباد ءَ چہ اے معیار ءِ ٹرین ھم چلائینگ بہ بیت۔ آئی ءَ فیصل آباد ءُ لاہور ءِ نیام ءَ ٹرین ءِ بند کنگ ، ریلوے اسٹیشن ءِ دیم ءَ زمین ءِ تجارتی مول ءُ مراد ءِ واستہ کارمرد کنگ ، فیصل آباد ریلوے اسٹیشن ءِ محرومیات ءِ گیش ءُ گیوار ءُ گیشیں آسراتی ءِ دستیابی ، ریلوے ءِ دستیابیں گورا ءِ سر ءَ میوہ ءِ درچک ءِ مزنیں کچے ءَ کشت ءُ کشار کنگ ءِ ھم لوٹ کتگ ۔ سنگلا ہل ءَ ، مسافر ٹرین آنی تہ ءَ فیصل آباد چیمبر ءِ باسک آنی واستہ ھاسیں کوٹہ ءِ بحال کنگ ءُ فیصل آباد ءَ چہ چنیوٹ ءَ ریلوے لائن ءِ سر ءَ ایم تھری انڈسٹریل اسٹیٹ ءِ نزیک ءَ ٹریک ءِ کش ءَ پلیٹ فارم ءِ جوڑ کنگ ءِ ھاترا دیم ءَ آرگ بوتگ۔ نائب صدر شاہد ممتاز باجوہ ءَ مہمان آنی منت گپت وھدیکہ گڈسرا میاں ادریس نے صدر ریحان نسیم بھراڑہ، نائب صدر شاہد ممتاز باجوہ ءُ ایندگر شریکیں مردمانی گوما پاکستان ءِ ریلوے ءِ وفاقی وزیر علی میتاز باجوہ ءَ را فیصل آباد چیمبر ءِ یادگاری شیلڈ دات ءُعامر علی بلوچ   ءَ را سوگات دات۔ ریلوے ءِ سرا۔ وفاقی وزیر ءَ فیصل آباد چیمبر ءِ مہمان کتاب ءَ وتی تاثرات ریکارڈ کنگ ءَ ابید کاروباری براتی ءِ گوما یک گروپ فوٹو ءِ ہم کش اتگ۔ پیسریگیں ایم این اے میاں عبدالمنان، سابق صدر چیمبر مزمل سلطان، رانا سکندر اعظم، ایگزیکٹو ممبران مرزازاہد اقبال، محمد علی، حافظ عطاء اللہ، انجینئر بلال جمیل، شاہد مجید، طارق محمود قادری ءُ دگہ مہمان ہم ھوار اتنت۔