کوئٹہ سول ہسپتال ءِ ارش ءِ شہیدانی قربانی بے سوب نہ بنت، سر وزیر بلوچستان

کوئٹہ۔ 08 اگست (اے پی پی):بنجاھی وزیر بلوچستان سرفراز بگٹی ءَ 8اگست 2016 ءِ وئیل ءِ شھید آناں یات کنان ءَ گوشت کہ اے روچ مارا انتہا پسندی ءُ ناشرکاری ءِ ھلاپ ءَ وکیل آنی بے دروریں قربانی ءِ یات ءَ دنت۔ آئی ءَ گوشت کہ کوئٹہ سول ہسپتال اُرش ءِ شہید آنی قربانی بے سوب نہ رو اَنت ءُ مئے سرکار شہید آنی ہون آنی تقدسیت ءِ سر ءَ سمجھوتہ نہ کنت۔ بنجاھی وزیر ءَ گوشت کہ شھید آنی وارث ایوک ءَ یلہ کنگ نہ بنت ایشانی ھک ھمک تک ءَ رکھینگ بیت۔ آئی ءَ وتی جزم ءِ درشان کت کہ امن ءِ دژمن آنی بدیں نیتی سرجمیں راج ءِ یکوئی ءَ گوں ھلاس کنگ بنت۔ بلوچستان بار ءُ قانونی برات ءِ قربانی جمہوری قدر ءُ قیمتانی برز کنگ ءِ یک درپشناکیں درور انت۔ بلوچستان ناشرکاری ءِ ھلاپ ءَ جنگ ءَ اولی رند ءَ انت۔ واجہ سرفراز بگٹی ءَ گوشت کہ اے سانحہ ءَ قانود ءِ چاگرد ءَ وتی رکھوک گار کتگ انت۔ حکومت ءَ اے وئیل ءِ شہیدانی چکانی ہمراہداری کت دانکہ آ جان سلامت بہ بنت ءُ دیما بہ رونت۔ اے درگت ءَ بار اسکالرشپ اسکیم شہیدانی زھگانی واستہ انصاف ءُ وانگ ءُ زانگ ءِ وعدہ اِنت۔ بنجاھی وزیر ءَ گوشت کہ فول اسکالرشپ ءِ چیر دستی ءَ 188 زھگ وتی پسند ءِ ادارگ آنی تہ ءَ وانگ ءُ زانگ زورگ ءَ اَنت۔ آئی ءَ گوشت کہ اے ایوک ءَ مالی کمک نہ انت بلکینگ ءَ شہید ءُ آیوکیں باھوٹ آنی میراث ءِ سر ءَ مھکمیں جزم انت کہ آھانی واب سرجم بہ بنت۔