وزیر صوبائی سردار عبدالرحمن کھیتران سانحہ 8 اگست 2016 ءِ شہیداں  آناں توسیپ ءُ ستا پیش کت

کوئٹہ۔ 08 اگست (اے پی پی):بلوچستان ءِ پبلک ہیلتھ انجینئرنگ ءُ ہاؤسنگ ءِ وزیر سردار عبدالرحمن کھتران ءَ 8اگست 2016 ءِ سانحہ ءِ شہیداں یات کنان ءَ گشتگ کہ 8اگست بلوچستان ءِ راجدپتر ءَ یک مزنیں روچے انت۔ اے سانحہ ءِ شہیداں وتی فرض ءِ پیلو کنگ ءُ انصاف ءِ علم ءِ برجائی ءَ وتی جان قربان کتگ انت۔ ایشانی قربانی بے سوب نہ بنت۔ سردار عبدالرحمن کھیتران ءَ گوشت کہ شھید آنی یات مئے دل آنی تہ ءَ مدام زندگ مان ایت ءُ ایشانی مشن ءَ برجاہ دارگ مئے درستانی ذمہ واری انت۔ شہیدانی کھول ءِ گوما یکوئی ءِ درشان کنان ءَ آئی ءَ گشتگ کہ بلوچستان حکومت آہانی گوما اوشتاتگ ءُ دیم ءَ ہم ہر ممکن کمک ءَ کنت۔ یات بہ بیت کہ 8 اگست 2016 ءَ نامداریں وکیل بلال انور کاسی ءِ کوش ءَ پد کوئٹہ ءِ سول ہسپتال ءَ مزنیں کساسے ءَ وکیل جم بوتگ اتنت کہ ہسپتال ءَ وت کُشیں تراکے بوت کنت کہ ایشی ءِ تہا 70 ءَ چہ گیش وکیل ءُ شہری کوئٹہ ءَ بیران بوتگ اتنت۔