اسلام آباد۔7اگست (اے پی پی): پاکستان پیپلز پارٹی ءِ چیئرمین بلاول بھٹو زرداری ءَ مستونگ سیکورٹی فورسز ءِ گاڑی ءِ نشانگ جوڑ کنگ ءِ مذمت کتگ ءُ ناشرکاری اُرش ءَ یک میجر ءُ فوج ءِ دو کارندہ ءِ شہید بوھگ ءِ سر ءَ دلپدردی ءِ درشانی کتگ۔ پنچ شمبے ءِ روچ ءَ پیپلز پارٹی ءِ میڈیا گروپ ءِ نیمگ ءَ جاڑی بوتگیں بیان ءِ رد ءَ چیئرمین بلاول بھٹو زرداری …
بلاول بھٹو زرداری ءَ مستونگ سیکورٹی فورسز ءِ گاڑی ءِ نشانگ جوڑ کنگ ءِ مذمت کتگ، سیکورٹی فورسز ءِ ناشرکارانی ھلاس کنگ ءِ مھکمیں جزم ءِ درشان
گیشتریں ھال
اسلام آباد۔7اگست (اے پی پی): پاکستان پیپلز پارٹی ءِ چیئرمین بلاول بھٹو زرداری ءَ مستونگ سیکورٹی فورسز ءِ گاڑی ءِ نشانگ جوڑ کنگ ءِ مذمت کتگ ءُ ناشرکاری اُرش ءَ یک میجر ءُ فوج ءِ دو کارندہ ءِ شہید بوھگ ءِ سر ءَ دلپدردی ءِ درشانی کتگ۔ پنچ شمبے ءِ روچ ءَ پیپلز پارٹی ءِ میڈیا گروپ ءِ نیمگ ءَ جاڑی بوتگیں بیان ءِ رد ءَ چیئرمین بلاول بھٹو زرداری ءَ شھید میجر رضوان، نائیک ابن امین ءُ لانس نائیک محمد یونس ءَ را یات کتگ۔ آئی ءَ شہیدانی گس ءِ مردم آں گوں دل ءِ جہلانکی ءَ دلپدردی ءُ یکوئی ءِ درشانی کتگ۔ بلاول بھٹو زرداری ءَ سرچ ءُ کلیئرنس آپریشن ءِ وھد ءَ چار ناشرکارانی کوش ءِ سر ءَ سیکورٹی فورسز ءَ را ھم شگر ءُ منت درشان کتگ۔ آئی ءَ ناشرکار آنی رِد ءُ بند دیگ ءِ واستہ سیکورٹی فورسز ءِ مھکمیں جزم ءِ سرجمیں حمایت ءِ پدرائی کت۔
