مزن وزیر ءِ ھاسیں کمکار ہارون اختر خان  ءِ  ٹیکس  گہتری کار  ءُ برآمدات ءِ دیمروئی ءِ ھوالگ ءَ اسٹیک ہولڈر آنی مزن تک ءِ دیوان ءِ سروکی

اسلام آباد۔7اگست  (اے پی پی): پاکستان ءِ صنعتی پالیشی ءِ چیر دستی ءَ ٹیکس اصلاحات ءُ برآمدات ءِ دیمروئی ءِ ھوالگ ءَ اسٹیک ہولڈر آنی مزن تک ءِ دیوان ءِ برجم دارگ بوت۔ دیوان ءِ سروکی ءَ مزن وزیر ءِ صنعت ءُ پیداوار ءِ ھاسیں کمکار ہارون اختر خان ءَ کت وھدیکہ مزن وزیر ءِ کوآرڈینیٹر رانا احسن افضل، فیڈرل بورڈ آف ریونیو ءِ نمائندگ ءُ ایندگر کلیدی اسٹیک ہولڈر آنی نیمگ ءَ ھم دیوان ءَ بھر زوری بوت۔ دیوان ءَ سرمایہ کاری ءَ را دیمروئی دیگ ءُ برآمداتی مقابلہ ءَ را گہتر کنگ ءِ واستہ بازیں دراجیں مدتی اصلاحات ءِ تجویز آنی توثیق کنگ بوت۔ کلیدی تجویز آنی تہ ءَ یکے اصلاح شدہ صنعتی پالیشی ءِ چیر دستی ءَ سرمایہ کار آناں یک ھاسیں ءُ معتبریں روڈ میپ ءِ پھجارینگ بوتگ۔ کمیٹی ءَ آیوکیں سئے سال آنی تہ ءَ کارپوریٹ انکم ٹیکس ءَ را انوگیں 29درسد ءَ چہ 26درسد ءَ کم کنگ ءِ تجویز داتگ۔ دمگی مقابلہ ءِ حوالہ ءَ ہارون اختر خان ءَ گوشت کہ پاکستان ءَ کارپوریٹ ٹیکس ویتنام ءِ وڑیں ملک آنی مقابلہ ءَ گیش اِنت کہ اودا گیش ءَ چہ گیش 17درسد اِنت۔ آئی ءَ اے گپ ءِ سر ءَ زور پر دات کہ ٹیکس ءِ بوجھ ءَ را کم کنگ ءَ چہ کاروباری کارکردگی ءُ سرجمیں اقتصادی سرگرمی ءَ را گہتری کیت۔ یک دگہ مزنیں شور ءُ مشور سپر ٹیکس سسٹم ءِ   کنگ ءَ گوں سیادی دار ایت۔ کمیٹی ءَ سفارش کتگ کہ سپر ٹیکس ءِ سرا مجموعی منافع ءِ سرا نہ بلکیں ایوک ءَ اضافی آمدنی ءِ سرا ایر کنگ بہ بیت۔ دیمترا اے گپ ءِ سوج دیگ بوت کہ سپر ٹیکس ءَ را پنچ سال ءَ کم کم ءَ 5 درسد ءَ کم کنگ بہ بیت ءُ اگاں پنچمی سال ءَ ملک ءِ بنجاہی بیلنس مثبت بہ بیت گڈا ششمی سال ءَ سپر ٹیکس سرجم ءَ ھلاس کنگ بہ بیت۔ اے گامگیج کاروباری ادارگ آناں دوبر سرمایہ کاری ءِ واستہ دلبڈی دنت ءُ کاروبار ءَ را گیش کنگ ءَ کمک رسیت۔ برآمدات ءَ را دیمروئی دیگ ءِ واستہ وزیر آناں ڈی ایل ٹی ایل ءِ نوکیں اسکیم آنی بندات کنگ ءِ تجویز داتگ ءُ ایکسائز ڈیوٹی ءُ انکم ٹیکس ریفنڈ ءِ وھد ءِ سر ءَ ادائیگی ءِ سر ءَ زور پر داتگ۔ ہارون اختر خان ءَ ریفنڈ ءِ عمل ءَ را ترند کنگ ءِ سرا زور پر دات ءُ اے تجویز ءِ توثیق کت کہ نگرانی میکانزم ءِ چیر دستی ءَ 72کلاکت ءِ تہا ایکسائز ڈیوٹی ءُ ریفنڈ ءِ ادائیگی کنگ بہ بیت۔ دگہ سوج آنی تہ ءَ صنعتی بجلی ءِ ٹیرف آنی تہ ءَ کراس سبسڈی ءِ ھلاسی ءُ برآمد کنوک آنی سر ءَ پیشگی ٹیکس نہ زورگ ءِ سفارش ھوار اِنت۔ گند ءُ نند ءَ ایکسپورٹر آنی واستہ مالیاتی آسراتی آنی بابت ءَ ھم ھیال ریچی کنگ بوت۔ بینکنگ ءِ نظام ءَ را آسان کنگ ءُ پالیسی ءِ شرح ءَ چہ 500بیسز پوائنٹ ءَ چہ کم برآمدات ءِ مالی کمک ءِ ھاتر ءَ سوج دیگ بوتگ۔ اے اصلاحات آنی مول ءُ مراد برآمد کنوک آنی سر ءَ مالی دباؤ ءَ را کم کنگ ءُ میاں اوستمانی مارکیٹ آنی تہ ءَ آھانی مقابلہ ءِ توان ءَ را گہتر کنگ اِنت۔ دیوان ءَ گوں گشتانک دیان ءَ مزن وزیر ءِ تجارت ءُ صنعت ءِ ھاسیں کمکار ہارون اختر خان ءَ اے عزم ءِ یک رندے پدا گوشت کہ برآمدات ءِ تہ ءَ گیشی حکومت ءِ راجی اولی ترجی اِنت۔ مزن وزیر شہباز شریف ءَ برآمدات ءِ تہ ءَ گیشی ءِ واستہ ھاسیں ہدایت داتگ۔ ہارون اختر خان ءَ گوشت کہ پاکستانی برآمد کنوک اے وھد ءَ مزنیں سود، گرانیں یوٹیلٹیز ءُ مزنیں ٹیکس ءِ وڑیں جیڈھ آں گوں دوچار انت۔ آئی ءَ اے گپ ءِ سر ءَ زور پر دات کہ صنعت کار آناں ترغیب ءُ ترغیب ءِ پھجاری ءَ چہ آھاں را جھان ءِ مارکیٹ ءَ مقابلہ ءِ لائک جوڑ کنگ بوت کنت، ایشی ءَ چہ پائیدار اقتصادی دیمروئی ءِ نیمگ ءَ یک ھاسیں گامگیج ءِ بیت۔