صدر آصف علی زرداری ءَ رومانیہ ءِ پیسریگیں صدر آئن ایلیسکو ءِ بیرانی ءِ سر ءَ دلپدردی ءِ درشان

اسلام آباد۔7اگست  (اے پی پی): رومانیہ ءِ پیسریگیں صدر آئن ایلیسکو ءِ بیرانی ءِ سر ءَ صدر آصف علی زرداری ءَ سک باز دلپدردی درشان کتگ۔ پنچ شمبے ءِ روچ ءَ صدر ءِ مملکت ءَ ایوان ءِ پریس ونگ ءَ چہ جاڑی بوتگیں بیان ءِ تہ ءَ صدر ءِ مملکت ءَ پاکستان ءِ حکومت ءُ الس ءِ نیمگ ءَ بیران بوتگیں مردم ءِ حکومت ، الس ءُ کھول ءَ گوں دلی دلپدردی ءِ درشانی کتگ۔ صدر ءِ مملکت ءَ گوشت کہ رومانیہ ءِ جمہوری راجدپتر ءَ آئن ایلیسکو ءَ را ھاسیں کرد پیلو کتگ ءُ آئی ءِ ھزمت آناں مدام یات کنگ بیت۔ صدر ءِ مملکت ءَ گوشت کہ اے ساھت ءَ پاکستانی راج رومانیہ ءِ الس ءِ ھمراہ انت ۔