ملک ءِ ایمنی ءِ واستہ وتی جان ندر کتگیں مزنیں بامرد آناں سلام، مزن وزیر شہباز شریف ءَ میجر طفیل محمد شہید ءَ را توسیپ ءُ ستا

اسلام آباد۔8اگست (اے پی پی): مزن وزیر محمد شہباز شریف ءَ میجر طفیل محمد شہید (نیشان حیدر) ءِ 67می شہادت سالروچ ءِ درگت ءَ آئی ءَ را شگر ءُ منت دیان ءَ گوشت کہ آئی ءِ شہید آنی قربانی راج دائم ءَ یات بیت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ گوشت کہ 67سال پیسر میجر طفیل محمد شہید (نیشان حیدر) ءَ دژمن ءِ ھلاپ ءَ بہادری ءَ گوں جنگ ءِ وھد ءَ ماتیں وطن ءِ واستہ وتی جان ندر کتگ۔ کلیں راج میجر طفیل محمد شہید (نشان حیدر) ءِ قربانی ءُ بہادری ءَ را سلام انت۔ آئی ءَ گوشت کہ ما وتی مزنیں بامرد آناں سلام پیش کن آں کہ آہاں ملک ءِ ایمنی ءِ واستہ وتی سر ندر کتگ، راج ءَ را آئی ءِ شہید آنی قربانی مدام یات بنت۔ مزن وزیر ءَ گوشت کہ پاکستان ءَ وتی دلیریں بامرد آنی سر ءَ پھر انت ۔ کہ ہر محاذ ءَ دژمن ءِ ھلاپ ءَ دلیری ءَ جنگ ءَ اَنت۔