راج وتی شہیدانی قربانی ءَ مدام یات کنت، صدر ءِ مملکت میجر طفیل محمد شہید ءَ را یات کنت

اسلام آباد۔8اگست (اے پی پی): صدر ءِ مملکت آصف علی زرداری ءَ میجر طفیل محمد شہید (نشان حیدر) ءِ 67می شہادت ءِ سالروچ ءِ درگت ءَ آئی ءَ را وشیں رنگے ءَ شگر ءُ منت درشان کت ءُ گوشت کہ سرجمیں راج میجر طفیل محمد شہید ءِ قربانی ءُ بہادری ءَ را سلام انت۔ جمعہ ءِ روچ ءَ صدر گس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گوشت کہ مرچی 67سال پیسر میجر طفیل محمد شہید (نیشان حیدر) ءَ دژمن ءِ ھلاپ ءَ بہادری ءَ گوں جنگ کنگ ءِ وھد ءَ ماتیں وطن ءِ واستہ وتی جان ندر کتگ۔ صدر ءِ مملکت ءَ گوشت کہ سرجمیں راج میجر طفیل محمد شہید (نیشان حیدر) ءِ قربانی ءُ بہادری ءَ را سلام انت ۔ صدر آصف علی زرداری ءَ گوشت کہ اے مزنیں زھگ آنی قربانی آنی سبب ءَ مرچی پاکستان ایمن اِنت ۔ صدر ءِ مملکت ءَ گوشت کہ ما وتی مزنیں بامرد آناں سلام پیش کن ایں آھاں ملک ءِ ایمنی ءِ واستہ وتی جان ندر کتگ اَنت۔ صدر ءِ مملکت ءَ گوشت کہ میجر طفیل محمد شہید ءِ قربانی راج ءِ واستہ رژن ءِ چراگ انت۔ صدر ءِ مملکت ءَ گوشت کہ راج وتی شہید آنی قربانی ءَ را دائم ءَ یات کنت۔ صدر آصف علی زرداری ءَ گوشت کہ پاکستان ءَ وتی بامردیں آنی سر ءَ پھر انت، ایش دژمن ءَ گوں ھمک محاذ ءَ بھادری ءَ گوں جنگ ءَ انت۔