اوورسیز نا بانڈز انا بدلی نا 9 وار مہلت تننگا، 99.5 درسد بدل مسنے، وزیر مملکت خزانہ بلال اظہر کیانی

اسلام آباد۔ 07 اگست (اے پی پی) قومی اسمبلی ءِ وزیر مملکت خزانہ ومحصولات بلال اظہر کیانی نا کنڈآن پاننگانے کہ اوورسیز نا بانڈز انا بدلی نا 9 وار مہلت تننگانے ہرافتے ٹی کل مالیت نا 742 ارب روپئی نا فنڈز آتیان 99.5 درسد بدل مسنے وخت اس کہ ایلو ماندہ 0.5 درسد رہینگانو اوفتا مالیت 3 ارب روپئی جوڑ مریک ہرافتے اوورسیز نا درخواست آتا رداٹ سرتننگک۔ پنچ شنبے نادے آ قومی اسمبلی ٹی وقفہ سوج آتیٹی شاہدہ اختر علی نا اوورسیز نا لاکرز و بانڈز انا بابت سوج انا ورندی ٹی وزیر مملکت خزانہ اینڈ ریونیو بلال اظہرکیانی پارے کہ 742 ارب نا بانڈز ئسر ہرافتے فیٹف نا روا مدت مست معطل کننگاسس و وقفہ وقفہ غان مد تننگا پارے آخا نیشنل سیونگ یا پین گیگ بدل بانڈز انا کنڈآ گدریفنگے و گڑاس کیس آتیٹی 9 اسکان مہلت تننگا داسہ بیرہ 0.3 درسد پین ءُ ہرا مسہ ارب روپئی نا بریبر ءُ ہرا وار وار پارت و آگاہی آن پد ہم مخلوق بدل کننگ کتو۔ داوڑنا معطلی آ تعلقدار ادارہ ءِ معلومدار کروئی مریک۔ سید نوید قمر دا رداٹ پارے کہ پرائز بانڈز اٹی مخلوق انویسٹ کیک و مچ آ کیس آتیٹی منی لانڈرنگ مسخت مفک۔ دانا پک کننگ کن بایدے وڑوڈول اس جوڑمرے۔ بلال اظہرکیانی پارے کہ 742 ارب نا کل بانڈز آتیان بیرہ 3 ارب روپئی نا بانڈز رہینگانو۔ آگاہی نا سوب 99.5 درسد کچ سرسہب مس، پین ہم داٹی درخواست آتیا ہیت کننگک ۔ دا بابت ڈاکٹر نفیسہ شاہ ہم ڈیجیٹلائزیشن نا بابت سوج کرے ہراڑآ بلال اظہرکیانی سلاہ تس کہ دا بابت ایڈیشنل سوج برے تو اودے گچین وڑاٹ ورندی تننگک۔