صدر آصف علی زرداری نا ضلع مستونگ اٹی فتنۃ الہندوستان نا دہشت گرد آتا سیکورٹی فورس آتیا جلہو نا مذمت

اسلام آباد۔ 07 اگست (اے پی پی) صدر مملکت آصف علی زرداری ضلع مستونگ اٹی فتنۃ الہندوستان نا دہشت گرد آتا سیکورٹی فورس آتیا جلہو نا ترندی اٹ مذمت ءِ کرے وپارے کہ قوم تینا دلیر شہید آتا عظیم قربانی تے سلام پیش کیک۔ ایوان ءِ صدر نا پریس ونگ آن جاری بیان اٹی صدر ءِ مملکت جلہو اٹی شہید مروک آ میجر محمد رضوان طاہر، نائیک ابنِ امین و لانس نائیک محمد یونس ءِ خراج عقیدت پیش کرے۔ اوشہید آتیکن درجہ غاتا بڑزی کن دعا و خاہوت تون ہڑزخواہی کرے۔ صدر ءِ مملکت پارے کہ قوم تینا بہادر شہید آتا عظیم قربانی تے سلام پیش کیک۔ صدر آصف علی زرداری ورندی جلہو اٹی دہشت گرد آتے جہنمی کننگ آ سیکورٹی فورس آتا دلیری نا ستاءِ کرے ۔ اوپارے کہ دہشت گردی نا برخلاف جنگ اٹی مچ آ قوم تینا سیکورٹی فورس آتون ہم کوپہ سلوک ءِ۔ صدر مملکت آصف علی زرداری پارے کہ بھارت نا سرپرستی ٹی سرگرم دہشت گرد آتے زوت چٹفنگک۔