اے پی پی فنڈز آنی تہ ءَ زر ءِ اسکینڈل پدر بوتگ، من وت اے جیڈھ ءَ دیم ءَ براں، وفاقی وزیر ءِ اھوالکاری عطا اللہ تارڑ ءَ سینیٹر سرمد علی ءِ جست ءِ سر ءَ وتی ھیالانی درشانی

اسلام آباد۔6اگست  (اے پی پی): وفاقی وزیر اھوالکاری ءُ نشریات عطا اللہ تارڑ ءَ گشتگ کہ ایم ڈی محمد عاصم کھچی  ءَ اے پی پی ءِ فنڈز ءِ مڈی ءِ اسکینڈل ءَ را پدر  کتگ، من وت اے معاملہ ءَ دیم ءَ براں۔ آئی ءَ چار شمبے ءِ روچ ءَ   قائمہ کمیٹی ءِ دیوان ءَ سینیٹر  سرمد علی ءِ نیمگ ءَ چست کتگیں جست ءِ سر ءَ وتی ھیال درشان کنگ ءَ ات۔ قائمہ کمیٹی ءِ دیوان ءِ سروکی سینیٹر  علی ظفر ءَ کتگ۔ سینیٹر عرفان صدیقی،سینیٹر پرویز رشید، سینیٹرجان محمد بلیدی، سینیٹر سید وقارمہدی   ءُ وزارت ءِ اھوالکاری ءِ سیکرٹری امبرین جان، ایڈیشنل سیکرٹری اشفاق خالد ءُ وزارت ءِ اھوالکاری ءُ ایندگر کارندہ آں ھم گند ءُ نند ءَ بھر زرتگ۔ سینیٹر  سرمد علی ءَ دیوان ءِ ساھت ءَ یک جُستے چست کتگ کہ اے پی پی ءِ فنڈز ءِ زوال ءِ کیس پدر بوتگ،  اے پی پی  ءِ فنڈز  آنی روپت ءُ روپ  ءَ چہ راجی ھزانگءَ   1.24ارب کلدار ءِ ھیران کنوکیں زرّ ءِ زوال کنگ بوتگ، اے مالیاتی کرپشن بازیں سالاں برجاہ بوتگ (2019 ءَ بگر داں 2024 ءَ چہ گیش ملازم آنی وسیلگ ءَ ملازم آنی وسیلگ ءَ)۔ بینک اسٹیٹمنٹ، آڈٹ رپورٹ ءُ دگہ مالیاتی کاگداں ھوار ھاسیں شواہد ءِ ھست بوھگ ءِ باوجود ایف آئی اے ءَ نزیک ءَ یک سالے ءَ پد ھم ایف آئی آر درج نہ کتگ کہ ایشی ءَ چہ اے ھاسیں راجی کیس ءِ تہ ءَ دیر بوھگ ءِ پدر کنگ بیت۔ سرمد علی ءِ جست ءِ پسو ءَ وفاقی وزیر ءِ اطلاعات ءُ نشریات عطا اللہ تارڑ ءَ گوشت کہ ایم ڈی اے پی محمد عاصم کچھی  ءَ اے پی پی ءِ فنڈز ءِ تہ ءَ کرپشن ءِ مزنیں اسکینڈل ءِ پدر کتگ، ءُ من وت اے جیڈھ ءَ دیم ءَ براں۔ گند ءُ نند ءَ پد سینیٹر  وقار مہدی ءَ احوالکاراں گوں تران کنان ءَ گوشت کہ اے پی پی فنڈز ءِ تہ ءَ کرپشن ءِ پدر کنگ جیڑگ ءِ گپ اِنت، من اے جیڈھ ءَ ایوان ءَ ھم چست کن آں ۔ آئی ءَ گوشت کہ اے پی پی ءِ کرپشن ثابت بوھگ ءِ وھد ءَ ایف آئی اے ءِ نیمگ ءَ کیس درج نہ کنگ  ابکہ ئی گپ ءُ ھبر اِت۔