پاکستان ءُ عمان ءِ نیام ءَ براتی سیادی مشترکہ مذہب، دود ءُ ربیدگ ءُ  شرپ ءُ ازت ءِ  سرا بندوک انت، صدر آصف علی زرداری

اسلام آباد۔6اگست  (اے پی پی):  صدر آصف علی زرداری ءَ گوشت کہ پاکستان ءُ عمان ءِ نیام ءَ برات ءِ سیادی یکجائی مذھب، دود ءُ ربیدگ ءُ ارزشت آنی سر ءَ انت، وت مہ وتی اقتصادی ءُ تجارتی سیادی ءَ را گیش پراھ کنگ ءِ ضلورت انت، آئی ٹی، جوڑیشت، جان سلامتی، فوڈ سیکیورٹی ءُ توانائی ءِ شوبگ آنی تہ ءَ سرمایہ کاری ءِ مزنیں موہ است انت۔ چار شمبے ءِ روچ ءَ صدر ءِ مملکت کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت آصف علی زرداری ءَ اے ھیالانی درشانی اومان ءِ سفیر فہد سلیمان خلف الخاروصی   ءَ گوں گپ ءُ تران کنان ءَ کت اَنت آئی ءَ صدر ءِ مملکت کارگس ءَ صدر ءِ مملکت ءَ گوں گند ءُ نند کت۔ گند ءُ نند ءَ دوئیں ملک آنی وتی راجدپتری ءُ براتی سیادی ءَ را گیش دیمروئی دیگ ءِ عزم ءِ دوبر پدر کنگ بوت، ایشی ءِ گوما تجارت، سرمایہ کاری ءُ توانائی ءِ شوبگ آنی تہ ءَ وت مہ وتی کمک ءِ دیمروئی ءِ سر ءَ ھم سرجمیں رنگ ءَ گپ ءُ تران کنگ بوت۔ اے موہ ءِ سر ءَ صدر ءِ مملکت ءَ گوشت کہ پاکستان ءُ عمان ءِ نیام ءَ براتی سیادی یکجاھیں مذھب، دود ءُ ربیدگ ءُ قدر آنی بنیات ءَ انت، ایشی ءِ تہ ءَ دو نیمگی اقتصادی ءُ تجارتی سیادی آناں گیش پراھی کنگ ءِ ضلورت انت۔ آئی ءَ گوشت کہ آئی ٹی، تعمیراتی، جان سلامتی، فوڈ سیکیورٹی ءُ توانائی ءِ شوبگ آنی تہ ءَ سرمایہ کاری ءَ را گیش کنگ ءِ مزنیں گنجائش است انت۔ حکومت ءُ جندی شوبگ ءِ نیام ءَ نزیکیں سیادی ءَ چہ اقتصادی ءُ تجارتی کمک ءَ گیشی بیت۔ صدر ءِ مملکت ءَ پاکستان ءِ سلامتی کونسل ءِ غیر دائمی باسک بوھگ ءِ واستہ عمان ءِ نیمگ ءَ کمک کنگ ءِ سر ءَ وتی منت واری ءِ درشان کت۔